Nongpoh, Nohprah 22 : Ki pulit jong ka Assam kila ioh ban kem 2 ngut ki briew haka jingtalasi ha Jorabat bad kurup ruh haduh 30 kilo u Ganja na kawei ka kali Tourist kaba don ïa u number ML 10 C 7573 bad la suba ruh ba ïa utei u Ganja la thmu ban shalan sha Guwahati.
Ki pulit kila kem ruh 2 ngut ki briew ba suba donkti ha katei ka kam ba kynthup ïa u samla Pyndap Bing na Ri-Bhoi bad u Donbok Mawlong na East Khasi Hills District bad ka jingtohkit ïa kitei ki 2 ngut ka dang ïaid shakhmat.
