Shillong, Risaw 11: Ki shipai BSF ki la ïoh ban kem uwei u khar Bangladesh ha khappud Bangladesh ha ka por ba u la rung sha India kaba hab ha West Garo Hills District ka jingïoh kem ka long ba ki shipai ki la long kiba peitngor ïa ka jingrung jong ki khar Bangla sha India.
U khar Bangladesh u ba ki BSF ki la ïoh ban kem la tip kum u Md Rabibul Islam Robin ba dei u nongshong jong ka shnong ka Sherpur bad kane ka jingïoh kem ïa u ka long ha ka por ba u dang thmu ban rung sha India.
Ki shipai BSF kila aiti ïa utei u khar Bangladesh ha ki pulit jong ka Dalu ban tohkit ban bteng shuh shuh ïa ka jingwan rung ka jong u sha India, kaei ka daw kaba pynlong ïa u ban rung beaiñ sha India.
