Nongpoh, Ïaiong 09: Ka shnong Umñiuh Khwan ha Ri-Bhoi kala ioh ban kem 2 ngut ki nongtuh tiar kali bapher bapher hynnin ka miet na katei ka shnong kiba la pyrshang ban kit da kawei ka auto-rickshaw truck kaba don ïa number ML 05 H 0896.
Katkum ka khubor bala ioh lum naka liang u Rangbah shnong ka Umñiuh Khwan hadien ka jingioh kem ïa kitei ki nongtuh kaba ka kyrteng jong ki la buhrieh noh u la pyntip mar mar sha ki pulit ka Umiam PS kiba la leit pat ban shimti bad ban kem ïa kitei ki nongtuh.
La ong ruh ba katei ka jingleit shimti jong ki pulit kila ioh ruh ban kurup shibun ki tiar kali bala tuh ha katei ka jaanmiet na katei ka shnong bad haka jingtohkit jong ki pulit kitei ki nongtuh kila kam ruh ba kila leh ïa katei ka kam ha kaba naka liang ki pulit kila kem bad pynngat ruh ïaki haka kyndon aiñ 379/34 IPC bad ka jingtohkit ka dang ïaid shakhmat ban lap shuh shuh ïaki briew ba donkti.
