Nongstoiñ, K’lyngkot 16: Ka kynhun jong ka Anti Narcotic Task Force ha ka janmiet sngi palei, katba ka dang pynlong ïa ka jingïaid patrolling kaba kyrpang ha ki bynta bapher bapher jong ka sor Nongstoiñ, ka la lap ïa lai ngut ki briew kiba ishan khmat ha ka thaiñ Mawlarshong, hajan ka madan New Nongstoiñ.
Na kine ki ar ngut ki briew, kata u Jeffery Lyngdoh Nonglait bad u Moonstar Kharbani ki dei kiba ju mlien ban ban khaïi drok man ka por. Kumta, hadien ba la pynlong ïa ka jingwad bad talasi hakhmat ki sakhi, la lap bad kurup na u Jeffery Lyngdoh Nonglait ïa 10 tylli ki vial kiba don ïa u heroin u ba khia 0.99 gram, ?280/- ka pisa bad kawei ka mobile phone. Shuh shuh, la lap bad kurup 0.04 gram u heroin ryngkat bad u thyrnia injek na u Moonstar Kharbani.
Mar kumta hi la kem noh bad la register ïa ka case ha Nongstoiñ Police Station katkum ka Case No. 04(01)2026 hapoh ki Section 21(a)/27/29 jong ka NDPS Act pyrshah ïa kitei ki briew bad ka jingtohkit ka dang ïaid shakhmat.
