Nongpoh, Ïaiong 23: Kawei na ki iing Auditorium ba la 25 snem jong ka jaka ri khunswet ha SOS Childrens Village kaba don ha Umiam kaba la shna da ki dieng bad lyntang ka la ingkhong khaid hynnin ka miet bad donbok ba ha katei ka jingjia ym shym don ba mynsaw.
Katkum ka khubor ba la ioh lum la ong ba kane ka jingjia pluh ding ka la sdang naduh ka por 6 baje janmiet ba la suba ruh ba dei ka jingkem ding ka dei na ka jingshort circuit ka bording elektrik ha kaba ka ding ka la ioh ban klang bad bamduh ïa baroh ki tiar ki tar kumba 80%.
Ki pulit pynlip ding jong ka Umiam F&ES tang mar sien ioh jingtip halor katei ka jingjia ki la leit mar mar sha katei ka jaka ban pynlip ïa katei ka ding hynrei namar ba ka dei ka iing kaba la shna da ki dieng bad lyntang ka ding ka ioh ban klang bad pur sted, hynrei dei da ka jingtrei shitom ki pulit pynlip ding la lah ban tem noh ïa ka ding kaba lah ban pur sa sha kiwei ki bynta.
