Shillong, Naitung, 25: Ki runar ki bym lah ban ithuh durkhmat ha ka sngi Palei ki la kawang da ki maw bad uwei u petrol bom ïa kawei ka ing ba la long trai da ka Kong Julie Lyngdoh kaba shongwai 15 kynrad da ki bar jylla ha ka shnong Jhalupara, Shillong.
Haba pynthikna ïa kane, u Superintendent of Police jong ka East Khasi Hills u Bah S. Nongtnger ha ka jingïakren bad ki lad pathai khubor u la ïathuh ba u Officer Incharge jong ka Jhalupara Out Post u la ïoh jingtip halor kane ka jingjia hapdeng ka por 7:30 baje haduh 8:00 baje mynstep ki don ki runar kiba kawang maw bad hadien kata ki la kawang ruh ïa uwei u petrol bom ha ka tnum iing jong ka Kong Julie Lyngdoh ba la shongwai da ki bar jylla.
“Ha ka jingtohkit jong u Officer Incharge ka Jhalupara Out Post, la lap ba kam shym la don kano kano ka jingjulor watla u petrol bom u la bthei,” u la ong.
Related Posts
“Halor kane, ka jingtohkit ka la ïaid shakhmat bad ki Pulit kin tohkit bniah na baroh ki liang. Ïa ka case la register ha Lumdiengjri Police Station,” la ïathuh shuh shuh u SP.
Haba kylli, u la ïathuh ba watla ym shym la don satia mano mano ruh ban ïohi ïa ki runar hynrei la ngeit ba ïa kane ka kam la leh da ka kynhun ki runar.
U la ïathuh shuh shuh ba ki runar ki la wan na khlaw kaba don mar syndah jong ka TB Hospital.
“Ka kynhun jong, ka la tohkit bniah katba don ki lad ki lynti bad ngin sa ai jingtip ynda la ïoh biang ïa ka jingtip kaba bniah halor kane ka jingjia.