Shillong, Naiwieng 14: U President ka State BJP u Rikman G Momin ha ka sngi Thohdieng u la kyntait ïa ka jingshimkhia ïa ka jingtyrwa ban thaw ïa kawei ka regional front, da kaba ong ba kum kine ki jingthaw ha haba kut kin ïasoh beit sha ka National Democratic Alliance (NDA) bad kumta kam don ka jingïapher ba ki agenda ne mat jong ka BJP.
Haba kren sha ki lad pathai khubor u Momin u la kynthoh, “Kino kino kiba thaw ïa ka, ki dei kiba don bynta bad ka NDA, kumta kane kam long kaba biang. Ki kwah ban kren shaphang ka Northeast kum ka regional front- to ai ba ma ki kin leh kane ka kam, hynrei ki don bad ngi ka BJP.”
Ïa kane u lakynthoh ïa ka jingkren ba dangshen jong u Myntri Rangbah uba la pynskhem ka jingïaibteng ban kyrshan ïa ka NDA, bad bynrap, “Kane shisha tihkna kan dei ka jingmyntoi jong ka BJP. Haba ka BJP ka ïatreilang bad ki seng riewlum kiba bha, kan long hi ka jingmyntoi ïa ka BJP-kane ka la sakhi ha jyll Bihar.”
