Nongpoh, Rymphang 15: U wei u samla ula ujor syndon da ka ejahar ha Khapmara Police Outpost hadien ka Scooty ka jing u kala jah rngai naka jaka parking katba dang long jingïaseng Mawbuh Presbytery ha ka Balang Presbyterian Nonglakhiat, Umroi.
Katkum ka jingpyntip utei u samla la ïathuh ba ïa katei ka scooty la rah da u hynmen jong u, ban leit jingïaseng haka shnong Nonglakhiat hynrei ynda la wai jingïaseng haka janmiet jong ka 14 tarik Rymphang 2026, katei ka scooty kaba dei ka Yamaha Aerox 155 kaba don ïa u Number ML 10 F 0306 kala jah rngai na katei ka jaka khlem lapdien shuh, ha kaba la suba ba la don kiba rong tuh ïaka.
Shuh shuh hadien katei ka jingshah tuh naka liang utei u samla u la ujor syndon da ka ejehar ha Khapmara Police Outpost naka bynta ban thwet bad ban lapdien ïa katei ka scooty.
