Shillong, Iaiong 06: U Myntri Rangbah ka Jylla Himanta Biswa Sarma hynne ka sngi balang ula ong ba ka thma pyr shah ïa u droks ka dei ka jingiakhun jong baroh ym tang jong kawei ka Jylla.
Haba iakren bad ki nongthoh khubor ha NEPA, Umiam, u Himanta ula ong ba hapoh ka shatri jong ka National Drugs Control, kala don ka jingiatreilang jong baroh ki bor Pulit ka thaiñ Shatei Lam Mihngi ban iakhun pyrshah ïa u droks.
“La bun sien ngi ïoh kem ïa ki nongshalan droks bad kurup bun bah u droks na ka jingpyntip jong ki Pulit na ki Jylla ba marjan ka thaiñ Shatei Lam Mihngi. Namar kata ka thma pyrshah ïa u droks ka dei ka jingiakhun jong baroh ym tang jong kawei ka Jylla” ula ong.
