Ka surok rong na Mawphanlur sha kliar lum Mawthadraishan ka jingmyntoi ïa ki paitbah

Nongstoiñ, Naitung, 20: Ka jingshna ïa ka surok rong kaba shi kilomitar shiteng na Mawphanlur shaduh kliar lum Mawthdaraishan kaba la sdang naduh u snem 2023 ka la long ka jingmyntoi kaba khraw ïa ki nongshong shnong kiba don ha kane ka thaiñ.
Ka jing don jong ka surok rong kaba pynïasoh sha kliar u lum Mawthadraishan ka la khring shuh shuh ïa ki nongjngohkai na kylleng ki shnong hapoh ka jylla bad na shabar ka jylla ruh kumjuh bad ka la long ka jingmyntoi kaba khraw ïa ki nongshong shnong.
Kane ka surok ka pynïasoh bad ka surok kaba mih na Nongshyllong kaba ïaid lyngba ka shnong Domkseh haduh u lum Mawthadraishan kaba dei ka jaka ba ki nong shangkai suwari ki ju sngewtynnad eh ban leit shangkai pyngad.
Ha kine ki snem ba ladep la shna ïa ka lynti ïaid kjat kaba sdang naduh ka jaka sah jong ki nongleit shangkai ha Mawphanlur haduh ban da poi ha u lum Mawthdaraishan bad ka jingshna ïa ka lynti ïaid kjat ruh ka la ai jingmyntoi shibun ïa kiba kwah ban ïaid kjat bad ha shi lynter jong ka lynti ïaid kjat ki don ruh ki jaka shongkai kiba la shna itynnad bha.
Hynrei na ka jingbym biang jong ki jingker ki masi ki blang ki ïoh lad ban leit rung ba leit rung ha ka por ba slap kumta ka la pynjaboh bad pynjakhlia hynrei jin lada ki don ki jingker ba biang ki jaka shong kai ki long kiba biang bha bad kiba pyngngad bha.