Shillong, Nailar 14: U Nongïalam ka Liang pyrshah u Mukul Sangma ha ka sngi Palei u la ïakynduh ïa ki nongtrei kiba dang ïakhih ha Garo Hills Autonomous District Council (GHADC), kiba la pynpaw ka jingpyrshah mynta lah palat shibnai pyrshah ka jingbym siew ïa ka tulop jong ki la kumba 43 bnai.
Haba kren sha ki lad pathai khubor, u Sangma u la ong ba ka long kaba donkam ïakren bad pynbeit ïa kine ki kam kiba ktah bha ïa ki paidbah bad khamtam ha kane ka kam mynta kaba long pyrshah ïa ka ADC bad ka jingleh ka ADC ban jubab ïa ka jingkitkhlieh kaba long katkum ka riti synshar.
“Ki don ki kam kiba dei ban sngewkhia, ngi donkam ban pynbeit ïa ki,” u la ong.
U Sangma dangshen u la ïalam ïa ka kynhun ki MDC bad u la leit ruh ban kynduh ïa u Lat ka jylla u CH Vijayashankar ban tuklar ïa kane ka jingeh kaba dang bteng haduh mynta ha GHADC.
“Kine ki kam la dei ban shim khia nohkloi namar lada ka sorkar la ïohi ba dang sngap jar ïa kane kam kumta ngim lah ban long tang ki nongpeitkai kiba jar jar, ngi hap ban shim ka jingkitkhlieh ban pynthikna ba ka ADC kan ïoh ka jingsumar bad ka jingpynleit jingmut kaba long kongsan katkum ba la pruidak hapoh ka riti synshar ka ri India,” u la bynrap.
