Ka Sorkar ka don ka kamram ban ïaleh pyrshah ïa ki khubor thok bad ki jingai jingtip kiba ïalam bakla
Da u Ashwini Vaishnaw
Ki kot khubor ki hap ban bud ïa ka “Norms of Journalistic Conduct” ba la pynbiang da ka Press Council of India (PCI). Kine ki kyndon ki khanglad ïa ka jingpynmih ïa ki khubor lamler/ pynjah burom/ ïalam bakla. Ka Council ka pynlong ïa ka jingtohkit halor ki jingkynnoh ba la pynkheiñ ïa ki kyndon, katkum ka kyndon 14 jong ka aiñ, bad ka lah ban maham, ai jingmut ne kynthoh ïa ka kot khubor, ki editor, ki nongthoh khubor, bad kiwei kiwei katkum ka jingjia.
Ka Television media: Ki channel TV ki dei ban bud ryntih ïa ka Program Code katkum ka Aiñ Cable Television Networks (Regulation) Act, 1995, kaba ong ba ïa ki prokram kiba don ïa kino kino kiei kiei kiba sniew, kiba pynjah burom, ki jingkrensiat kiba la thmu, kiba lamler ym dei ban pyni. Ka Cable Television Network (Amendment) Rules, 2021, ka ai ïa ka rukom pynbeit ïa ki jingeh kaba lai kyrdan ban peit bniah ïa ki jingujor kiba ïadei bad ka jingpynkheiñ ïa ka Aiñ da ki TV channel. Ym shim ïa ka sienjam kaba ïahap ha kaba la lap ïa ka jingpynkheiñ ïa ka Program Code.
Digital media: Na ka bynta ki nongpynmih khubor bad ki jingjia ba mynta ha ki lad pathai khubor digital, ka Aiñ Information Technology (Intermediary Guidelines and Digital Media Ethics Code) Rules, 2021 (IT Rules, 2021) ka ai ïa ka Code of Ethics.
La pynbiang ïa ka Fact Check Unit (FCU) hapoh ka Press Information Bureau, ka tnad Information and Broadcasting ha u Naiwieng, 2019 ban peit bniah ïa ki khubor lamler kiba ïadei bad ka Sorkar Pdeng. Hadien ba la pynshisha ïa ka jingshisha jong ki khubor na ki tyllong kiba la ai bor ha ki tnad jong ka Sorkar India, ka FCU ka buh ïa ki jingtip kiba thikna ha ki rynsan social media jong ka.
Hapoh ka Section 69A jong ka Information Act 2000, ka Sorkar ka pynmih ïa ki hukum ba donkam ban khanglad ïa ki website, ki social media handle bad ki post ban ïada ïa ka jinglong trai ri bad ka jinglong ryntih jong ka ri India, ka jingïada ïa ka ri India, ka jingshngaiñ jong ka ri, bad ka shongsuk shongsaiñ.
Ka sorkar ka la pynbna ïa ka aiñ Information Technology (Intermediary Guidelines and Digital Media, Ethics Code) Rules, 2021 ha ka 25.02.2021 hapoh ka IT Act, 2000.
Ka Part-III jong ki kyndon ka ai ïa ka Code of Ethics na ka bynta ki nongpynmih khubor digital bad ki nongpynmih ïa ki prokram ba la shna online (ki rynsan OTT).
Ki rynsan OTT kim dei ban pyni ïa ki prokram ba la mana katkum ka aiñ kaba treikam ha kata ka por. Ki rynsan OTT ki dei ban peit bniah dalade ban ai jingtip shaphang ki prokram, katkum ki bynta ba la ai ha ka Schedule jong ki Kyndon kiba don ïa ki bynta kiba ïadei bad ka jingpyni ïa ki jinglyngkhuit bad ki jingïashongkha.
Ki rynsan OTT ki hap ban pynbiang ïa ki jingïada ban tehlakam ïa ki prokram ki bym ïahap ban peit ki khynnah. Shuh shuh, ka Section 79(3)(b) jong ka IT Act, 2000 ka plie lad ban ai jingtip ki Sorkar shaphang kano kano ka prokram ba long beaiñ sha ki nongpyni khnang ba kin weng ne pynduh ïa kum kine ki prokram.
Ka sorkar ka la phah ïa ka jingai jingmut ha ka 19.02.2025 sha ki rynsan OTT bad ki Self-regulatory Body jong ki rynsan OTT ban pynthikna ïa ka jingbud ryntih ïa ki Aiñ jong ka ri India bad ka Code of Ethics ba don hapoh ki IT Rules, 2021 haba ki pyni ïa ki prokram ha ki rynsan jong ki.
Hadien ka jingïamir jingmut bad ki tnad Sorkar ba ïadon bynta ha kane ka kam, la block haduh 43 tylli ki rynsan OTT haduh mynta.
Kane ka dei ka jingai jingtip da u Myntri Sorkar Pdeng ba dei khmih ïa ka tnad Information and Broadcasting, Ashwini Vaishnaw ha ka Lok Sabha.