Shillong: Ïa Ka lympung pyni ïa ki tiar shna dieng ba la shna ha ki karkhana shna tiar dieng kaba heh bha ha dewbah Asia kata ka INDIAWOOD jong ka sien kaba 12 yn sa sdang naduh ka 2 haduh ka 6 tarik u Jylliew ha Bangalore International Exhibition Centre, Bengaluru.
La pynlong ïa kane ka lympung da ka NuernbergMesse India, ha kane ka lympung ba san sngi lynter yn ïoh ïa ki mar ki mata kiba bun jiat kiba la shna katkum ki buit stad ba thymmai bad yn ïoh ruh ïa ki jingtip shaphang ki tiar ki tar bad ki kor ka juk mynta ba la pyndonkam.
Da kaba phai khmat sha ki rukom shna ïa ki tiar dieng kiba itynnad bad kiba long katkum ki ri ka pyrthei, ka jingtbit ha ka rukom shna, ka jingpyndonkam ïa ki buit stad thymmai, ka jingpyndonkam da ki kor ki bor bad da ki jingstad digital, ka jingthmu jong ka INDIAWOOD 2022 ka long ban kyntiew
Ïa ki kam shna tiar dieng jong ki karkhana ka ri India ban kynjoh sha ka jingïoh nong kaba long USD 27-billion kat ha ka snem 2025 bad ïarap ban pynlong ïa ka India kum kawei na ki ri ha kaba lah ban thied ïa ki tiar shna na ki dieng na kane ka ri. La khmih lynti ba kane ka karkhana shna tiar dieng kam kynjoh sha ka shi billion dollar ka jingïoh nong kat ha ka snem 2025.
Ka jingïashim bynta jong ki ri na Germany, USA, Canada, Turkey, Malaysia, Finland, Estonia, Taiwan, bad Gabon napdeng kiwei kiwei ki ri ha kane ka rynsan pyni nam, kumta ha kane ka rynsan pyni nam ba san sngi lynter yn sa ïohi ïa ki mar ki mata kiba pher bapher bad ïoh jingtip ruh shaphang ki tiar ki tar bad ki kor ki bor ka juk mynta ba pyndonkam.
Kum kawei na ki rynsan ban ïasam ïa ki jingtip, kumta ha ka INDIAWOOD yn sa ïoh ruh ïa shibun tylli ki rynsan bad ki lympung ïaphylliew jingmut ha kaba ïadei bad ki lad ki lynti bad ki buit stad ka juk mynta ïa kaba yn pynlong da ki kynhun jong ki karkhana kiba paw bad kumjuh ruh yn pynlong ïa ki prokram kiba hikai shuh shuh kumno ban pyntbit ïa ka kami a kaba yn pynlong da ka Furniture & Fittings Skill Council ka India.
Ka INDIAWOOD 2022 kan ïarap ban kyntiew ïa ka iew die ïa ki tiar shna na ki dieng Yn sa lah ban pynlong ïa ka INDIAWOOD 2022 naduh ka 2 haduh 6 tarik U Jylliew Shillong: La pynlong da ka NuernbergMesse India, ka lympung jong ka INDIAWOOD ha ka sien ba 12 (kaba long ka lympung pyni ïa ki tiar shna dieng ba la shna ha ki katkhana shna tiar dieng kaba heh bha ha dewbah Asia) yn sa sdang naduh ka 2 haduh ka 6 tarik u Jylliew ha Bangalore International Exhibition Centre, Bengaluru.
