Ka shnong Thadmynri ka hap hapoh ka Elaka Nartiang pynshai u Bah Aiborlang Shadap

Jowai, Lber 27: Haba jubab ïa ka jingkylli ba la wanrah da ka MDC ka 9-Mynsoo Nongjngi ka kong Laiawanlamjinghun Khynriam kaba la kylli na ka Executive Committee ‘hato ka shnong Thadmynri ka hap hapoh ka Elaka jong no’; la jubab da u EM ma Aiborlang Shadap ba ka shnong Tnadmynri ka hap hapoh ka Elaka Nartiang.
Katei ka MDC Kala kylli naduh mynno katei ka shnong ka hap hapoh ka Elaka Nartiang, u ma Aiborlang Shadap ula pule katkum ka jingpynbna da ka Council ‘hadien ka jingbishar bniah biang biang ïa ki kot ki sla, ha kaba ïadei bad u pud u sam jong ka shnong Thadmynri la shem ba ka hap hapoh ka Elaka Nartiang”. Katkum ka Executive Committee dated 20.01.2025 kala rai ba ka shnong Thadmynri kan hap hapoh ka jingpeit u Dolloi ka Elaka Nartiang.
Hadien kane ka kong Laiawanlamjinghun Khynriam kala pan jubab biang kumno ka EC ka ai bor ïa kano kano ka shnong kaba dawa na kawei ka jaka sha kawei ka jaka khlem ka jingtip bad mynjur jong ka Elaka bad ka Raij ba dei peit?
Haba pynshai shuh shuh ïa kane u CEM ma Thombor Shiwat ula ong ka Council ka don ka bor ban pynbeit ïa ka jingkhajia pud bad ki Elaka. U la ong naduh ki por mynshwa ka Thadmynri ka don hapoh ka Elaka Nartiang ym ha ka Elaka Nongjngi.