Ka Sex Education ka dei ka jinghikai ba bniah ha ki skul ha Meghalaya: Lahkmen Rymbui

SHILLONG, Rymphang 27: U myntri ka tnad pule puthi u Lahkmen Rymbui u la iathuh ha ka iing dorbar ha ka sngi palei ba la hikai ia ka jinghikai kaba bniah shaphang ka Comprehensive sex education ha ki skul jong ka Meghalaya lyngba ki lynnong kiba ïadei bad ka jinglong samla, ka jingkha khun khynnah khlem pat dei por, ki jingpang STI, ka HIV/AIDS, bad ka jingkha khun.
“Ka prokram ai jinghikai shaphang ka Comprehensive sex education (CSE) ka don ha ka dur jong ka jinghikai kaba ïadei bad ki phang kum ka jinglong samla, ka jingroi bad jingsan, ka jingkha khun khlem pat dei por, ki jingpang ba ïoh na ka jingshong kha pathar, ki HIV/AIDS-ki jingshisha bad ki lad jingïada, ka jingkoit jingkhiah ha ka por kha khun ruh katkum ka jingbthah jong ki kot pule jong ka Health & Physical Education classes IX bad X bad ruh ki kot pule science ba la pdiang da ka (NCERT ba la pdiang da ka Board na ka bynta ki klas VIII bad X),” ong u bah Rymbui ha ka jubab ba la wanrah hapoh ka Assembly ha ka sngi Thohdieng.
“Baroh ki skul kiba hap hapoh ka Meghalaya Board of School Education (MBoSE) ki ai ïa ka jinghikai kaba bniah halor ka comprehensive sex education katkum ka rta bad ki klas jong ki kumba la don ha ki content jong ki kot pule ba la buh,” u la bynrap.