Ka Sabka Bima Sabki Raksha (Amendment of Insurance Laws) Bill, 2025 ba la mynjur da ka Parliament

New Delhi, Nohprah 18: Ïa ka Sabka Bima Sabki Raksha (Amendment of Insurance Laws) Bill, 2025 la mynjur da ka Parliament ha ka 17.12.2025. Kane ka bill ka pynkylla ïa lai tylli ki Aiñ kiba ïadei bad ka kam insurance, kata, ka The Insurance Act,1938, The Life Insurance Corporation Act, 1956 bad ka The Insurance Regulatory and Development Authority Act, 1999.
Kawei na ki mat ba kongsan jong kane ka bill ka long ban ai lad haduh 100% ka Foreign Direct Investment ha ki kompeni Insurance, kaba plie lad shuh shuh ïa ki kynhun nabar ri ban wan sha India. Kane kan ïarap ha ka jingkyntiew ïa ka pisa tyngka, ka jingpdiang ïa ka teknoloji ba thymmai bad ban wanrah ïa ki rukom treikam kiba bha tam ha ka pyrthei ryngkat bad ka jingkyntiew ïa ki lad ïoh kam. Ka jingkyntiew ïa ka jingïakhun kan wanrah ïa ka jingbha ki mar bad ki jingshakri kiba long ka jingmyntoi ïa ki nongshong shnong.
La kyntiew ïa ka jingsuk ban sdang ïa ka kam khaïi pateng na ka bynta ki nongpyntreikam lyngba ka jingwanrah ïa ka jingpynbiang ïa ka jingai laisen kaba shisien bad ka jingpynbiang ïa ka jingpynsangeh ïa ka laisen ban ïa kaba pyndam syndon. Na ka bynta ki nongshim insurance, la kyntiew ïa u pud ban pan ïa ka jingmynjur shwa katkum ka aiñ na ka bynta ban pynkylla ïa ka pisa ba don bynta na ka 1% sha ka 5%, ïa ka jingdonkam jong ka Net Owned Fund jong ki Foreign Reinsurance Branch la pynduna na ka T.5,000 Klur sha ka T.1,000 Klur. La ai bor ïa ka LIC ban plie ïa ki Zonal office ha ka ri bad ban pynïahap ïa ki ophis shabar ri bad ki aiñ bad ki kyndon jong ka jaka ba ki treikam.
Ban ïada ïa ka jingmyntoi jong ki nongshim Policy, yn sdang ïa ka fund ba kyrpang, kata ka Policy holders’ Education and Protection Fund ban pynphriang jingtip shaphang ka insurance. Mynta yn donkam ban lum bad ïada ïa ki jingtip jong ki nongshim policy katkum ka DPDP Act 2023.
La pynkhlaiñ ïa ka jingsynshar ba la pynbeit ryntih da kaba wanrah ïa ka rukom treikam kaba thikna na ka bynta ban shna ïa ki kyndon bad ban bthah ïa ka rukom treikam kaba ïamir jingmut. La ai bor ïa ka IRDAI ban weng ïa ki jingïohnong lyngba ki rukom treikam ki bym ïahap da ki nongai insurance bad ki nongpyntreikam. La pynbeit ryntih ïa ki jingpynshitom bad la wanrah ïa ki daw ban pynngat ïa ki jingpynshitom.
Ki jingpynkylla ki long ban pynïar ïa ka jingpynbiang insurance ïa ki briew, ki longïing bad ki karkhana, ban pynïar ïa ka jingpynbiang insurance, ban pynsuk ban sdang ïa ki kam khaïi pateng, ban kyntiew ïa ka jingpeit bad jingsynshar jong ki aiñ. Kine ki sienjam baroh kin ïalam sha ka jingpynkhlaiñ ïa ka kam insurance jong ka India ban pynskhem ïa ka kam pisa tyngka na ka bynta ka ïoh ka kot jong ka India.