New Delhi, Nailur 22: U Vice President jong ka Ri India, u C. P. Radhakrishnan mynta ka sngi u la pyllait paidbah ïa ka kot kaba 4 bad kaba 5 jong ki jingkren ba la jied jong u Myntri Rangbahduh ka ri, u Narendra Modi hapdeng u bnai Jylliew 2022-Jymmang 2023 bad u bnai Jylliew 2023-Jymmang 2024. Ki jingthoh, ba la ai kyrteng ‘Sabka Sath, Sabka Vikas, Sabka Vishwas, Sabka Prayas’, la pynmih da ka Publications Division, Tnad Information and Broadcasting.
Haba ai jingkren ha kane ka sngi, u Vice President u la ong ba hapoh ka jingïalam ba ïohi jngai jong u Myntri Rangbahduh ka ri u Modi, ka jingangnud ïa ka Aatmanirbhar Bharat ka la pynlong ïa ka India ban lah ban kyrshan dalade ha ka kam ïada ri, ha ka kam ba ïadei bad ka haw haw, ki mar elektrik bad katto katne kiwei pat ki bynta ba kongsan jong ka roi ka par ha ka imlang sahlang. U la ban jur ba ka ri kaba khlaiñ kam dei kaba la tei tang ha ka bor hynrei kumjuh ha ka jinglong bad ka jingïatylli.
U Vice President u la ban jur ba ka jinghikai kaba bha ha ka ktien tynrai, ka um dih kaba khuid, ka jingkhuid jingsuba, ka jingsumar kaba lah ban ïoh, ka jingpynduh ïa ka jingduk, ka bording kaba khuid, bad ka sienjam ba ïadei ka suiñbneng ki long ki atiar kiba khlaiñ jong ka jingkylla kaba bha ha ka jingim jong ki 1.4 billion ngut ki nong India. U la bynrap shuh shuh ba ki lad pynroi ba la shim ha kine ki 11 snem ba la dep ki la ïarap ïa palat 25 klur ngut ki briew ban lait na ka jingduk bad ban im ka jingim kaba don burom. “Haba shna ïa ka paiñkhana ha kawei ka ïing, ka ai burom ïa u ‘Briew’ kata Ka jingmut jingpyrkhat jong ka ïing,” u la bynrap. U Vice President u la ai khublei ïa ka Tnad Information & Broadcasting & ka kynhun pynphriang khubor jong ka, ka Publication Division na ka bynta ban pynmih ïa kane ka kot.
U Myntri Rangbah sorkar pdeng ba dei peit ïa ka Tnad Information and Broadcasting, Railways, Electronics & Information Technology, u Ashwini Vaishnaw u la ong ba ka jingshakri ba kylluid mynsiem jong u Myntri Rangbahduh ka ri u Modi ha ka kam saiñ pyrthei ka la wanrah ïa ki jingkylla ha ka jingim jong ki briew. U la ïohi ba u Myntri Rangbahduh u la pynlong ïa ka saiñ pyrthei kum ka lad ban shakri ïa ki briew bad u la wanrah ïa ka jingpher lyngba ka rukom treikam kaba kynthup lang ïa baroh. U la bynrap shuh shuh ba ka jinglong nongïalam jong u Myntri Rangbahduh ka ai mynsiem namar ba u ñiew kor ïa ka imlang sahlang, ka jingshakri bad ka ri ban ïalade. U Myntri u la ong ruh ba kane ka kot kaba thymmai kan long kum ka lad kaba kordor na ka bynta ki stad wadbniah ban sngewthuh ïa ka rukom pynkylla dur jong u Myntri Rangbahduh ha ki snem kiba la leit noh.
U Deputy Chairman ka Rajya Sabha, u Harivansh, ha ka jingkren jong u, u la batai ïa u Myntri Rangbahduh ka ri, u Modi, kum uwei na ki nongïakren ba tbit tam jong ka pyrthei, da kaba ong ba u shimkhia bha wat ha kaba ai kyrteng ïa kawei pa kawei ka skhim ban pynïasoh bad ki briew.
U Secretary, Tnad Information and Broadcasting, u Sanjay Jaju u la ong ba ki kot kin ai ïa ki jingtip kiba thikna halor ka rukom synshar jong u Myntri Rangbahduh. U la bynrap ruh ba ki kot kin long kum ka jingbuh jingtip ba kongsan jong ka jingïaid lynti ka India sha ka roi ka par, kaba ai ïa ki nongpule ïa ka jingpeit kaba pura halor ka agenda ba kynthup lang bad ba pynkylla dur jong ka Sorkar.
Shaphang ka Sabka Saath, Sabka Vikas, Sabka Vishwas, Sabka Prayas
Ka Sabka Sath, Sabka Vikas, Sabka Vishwas, Sabka Prayaska dei ka jinglum ïa ki jingkren ba la jied jong u Myntri Rangbahduh, Narendra Modi. Kine ki kot, khamtam eh, ki pynpaw ïa ka rukom ba u Myntri Rangbahduh u ïalam nakhmat, da kaba kyntu ïa ki briew ban trei na ka bynta ka jingtei ïa ka ri. Ki jingkyntu ne ki jingkren jong u nalor ba ki ai mynsiem, ki ïarap ruh ban jop ïa ki jingbakla ne jingduna.
Ka thup jong ki jingkren ka pyni ïa ki jinglong jingman ha kine ki por. Ha ki snem jong ka jinglong nongïalam jong u, u Myntri Rangbahduh Narendra Modi u la ïasam ïa ka jingthmu jong u halor ki phang kiba bun jait, ka wanrah ïa ka jingieid jong ki briew jong ka ri namar ka jingshai jong ka jingkren, bad ka jingïadei kaba jylliew bad ki paidbah. Kine ki jinglum jingtip ki kynthup ïa ki jingkren kiba bun jait kiba ktah ïa ki bynta bapher bapher jong ka khana jong ka roi ka par jong ka India.
Ka kot kaba 4 (Jylliew 2022-Jymmang 2023)
Ka kot kaba nyngkong ka don ïa ki jingkren ba la ai da u Myntri Rangbahduh ha ki jingïalang bapher bapher hapdeng u bnai Jylliew 2022- Jymmang 2023, kaba pynpaw ïa ka jingïaid lynti jong ka India ha ka jingkylla bad jingroi hapoh ka jingïalam jong u. Ha kane ka kot, ki don baroh 88 tylli ki jingkren ba la jied bad phiah ha ki 11 bynta ha kaba u Myntri Rangbahduh u la ïasam ïa ka jingthmu jong u halor ki mat, ki jingpynkylla, ki jingeh bad ki lad katba u dang buh ïa ka lynti kaba shai sha ka jingpynurlong ïa ka jingangnud jong ka ri kaba khlaiñ, kaba roi bad ka Viksit Bharat shuwa u snem 2047.
Ki thup ki long, i) Azadi ka Amrit Mahotsav, ii) India leads the World, iii) Mother of Democracy, iv) Aatmanirbhar Bharat: Proud Citizens, v) Government for the People, vi) Empowered India: Capable Citizenry, vii) Secure Nation: Content Citizens, viii) Our Heritage: Our Glory, ix) Pride of India, x) India on the Move, xi) Mann ki Baat.
Kiwei pat ki bynta jong kane ka jinglum jingtip ki pyni ïa ki jingpeit jong u Myntri Rangbahduh halor ka jingkiew jong ka India, ka Aatmanirbhar Bharat, ka India ba la pynkupbor, ka jingsarong jong ka India- man ka por ha ka jingïadei bad ki jingangnud jong ka India Bathymmai.
Ka Kot kaba 5 (Jylliew 2023-Jymmang 2024)
Kane ka kot (Jylliew 2023- Jymmang 2024) ka lum ïa ki jingkren ba la ai da u Myntri Rangbahduh ba donburom ha ki jingïalang bapher bapher- ki por kiba la pynshlur ïa ka ri bad kiba la paw ha kylleng ka pyrthei. Ka jinglum ka kynthup ïa ki jingkren kiba bun jait kiba pyni ïa ki bynta ba ïar jong ka jingim ha India.
Kane ka kot ka don 91 tylli ki jingkren, ba la pynbeit ha ki 11 ki bynta kiba ïar, kiba pyni ïa ki mawjam kiba kongsan jong ka snem kaba san jong ka samoi treikam kaba ar jong u. Kine ki kynthup: 1. G20 – One Earth, One Family, One Future, 2. Parliament of Bharat, 3. Viksit Bharat @ 2047, 4. Sarvajanhitaya – Governance for the People, 5. Bharat and the World, 6. Investing in the Future, 7. Kashi – The Essence of Bharat, 8. Bharat – Safe, Secure, and Confident, 9. Our Heritage – Our Glory, 10. Empowered Women, Prosperous Bharat, 11. Mann Ki Baat.
Ha ki jingkren ha kane ka kot, u Myntri Rangbahduh u la kren shaphang ka jingpynkupbor ïa ka India, ka bynta jong ka kaba nangiar ha ka pyrthei, bad ka jingkongsan jong ki longkmie bad ki samla. Ka jinglum jingtip ka kren shaphang ki phang kum ka koit ka khiah, ka saïan, ka pateng, ka ïoh ka kot, ki jingdon jingem, bad ki kam bar ri. Ka pyni ruh ia ki jingpeit jong u shaphang ka polisi, ka jingsynshar, bad ka jingïadei bad ki ri ka pyrthei.
Kane ka thup jong ki jingai jingkren jong u ka pyni ïa ka jingthmu jong u na ka bynta ka roi ka par kaba kynthup lang, ka jingkiew shaphrang jong ka ri, bad ka jingkitkhlieh jong baroh (jan bhagidari), kaba ai mynsiem bad pynshlur ïa ki briew ha kylleng ki bynta bapher bapher jong ka imlang sahlang ban wan shakhmat bad pynurlong ïa ka jingangnud jong ka Viksit Bharatshuwa u snem 2047.
U Secretary sha u Vice President jong ka India uAmit Khare, Principal Director General, Publications Division u Bhupendra Kainthola, Principal Director General, Press Information Bureau u Dhirendra Ojha, ki ophisar bad nongtrei jong ki media unit jong ka Tnad Information and Broadcasting ki la ïadonlang ha kane ka jingïalang.
