Ka rel kit mar ka biang, tangba ka shong pat ki paidbah ki treh ne em : Bah Sosthenes Sohtun

Shillong, Risaw 06 : U Myntri ka tnad C&RD ka sorkar jylla ba dei ruh u MLA ka Jirang constituency Ri Bhoi District ha ka sngi Balang u la ong ba lada kren ïa ka ishu lynti rel ha ka jylla, ka rai ba khatduh hi ka shong beit ha ki paidbah ban shim kampher watla u kwah ban ïohi ïa ka rel kit mar ba kan poi ha ka jylla.

“Lada dei tang ka rel ban kit mar, ïa kata lehse nga pdiang. Tangba kata ruh ka shong ki paidbah kaei kaba ki don ban ong lane la kin treh neem,” u la ong.

Shuh shuh haba jubab halor ka jingkylli, u Myntri u la ong ba ïa ka jingsngew jong kiwei pat halor ka ishu lynti rel um don ei ei ban ong namar ki ruh ki don la ka jong ka jingsngew bad ka hok ban pynpaw.

“Man la uwei pa uwei u briew u don la ka jong ka jong ka jingmut kumta ka shong beit ha ka rai jong ki paidbah kaei ka jingsngew jong ki halor kane ka bynta bad ruh ngam don ei ei ban ong shuh halor kane,”  u la bynrap biang.