Shillong, Nailur, 27: Ka Deikisha Lyngdoh Talang kaba long ka puron lamkhmat jong ka phlim “AHOR” ka ban sa mih ha u bnai Risaw, ka la jop ïa ka jingïakop Top Model India, ha ka kyrdan First Runner Up ba la pynlong ha nongbah Delhi.
Ïa kane ka Top Model India la pynlong ha nongbah Delhi naduh ka 19 tarik haduh ka 23tarik u Nailur ban bishar ïa ki nongïashim bynta ba la mihkhmat na kylleng ki Jylla.
Ïa kane ka Top Model India la pynlong da ka Miss Rajni Subba kaba dei ruh ka nongseng jong ka Miss India Exquisite bad ïa kane ka rynsan Top Model India la hikai da u Kaushik Ghosh, uba paw khmat na ki Bollywood Fashion Choreographer bad ha ka rynsan International Fashion Shows.
Ka Deikisha Lyngdoh Talang, ka la jop ruh ïa ka khusnam Miss Personality Top Model India bad ka la shah jied ban kiew ha ka rynsan Fashion Show ha ka India Style Fashion Week ka ban sa long ha ka 14tarik, Risaw, ha New Delhi.
