Ka prokram ïakhun jong ka wat ba khadduh ha ka Meghalaya Youth League 2024 mynta ka Sngi Saitjaiñ
Ka prokram ïalehkai mynta ka 14 tarik Nailur ki long:
Zone B – U-14 (1pm) & U-16 (3pm); West Jaintia District Sports Association vs Amlarem Block Sports Association; Kiang Nangbah Stadium
Zone B – U-14 (1pm) & U-16 (3pm); Laskein Block Sports Association vs East Jaintia District Football Association; Pamsna Mini Stadium
Zone C – U-16 (1:30pm); Shillong Sports Association vs Western Ri-Bhoi Sports Association; MFA Turf
Zone C – U-14 (1pm) & U-16 (3pm); Ri-Bhoi District Sports Association vs Sohra Sports Association; Umdihar Mini Stadium
Zone D – U-14 (1pm) & U-16 (3pm); Mawshynrut Sports Association vs Nongstoin District Sports Association; Riangdo Playground
Zone D – U-14 (1pm) & U-16 (3pm); Pyndengumiong District Sports Association vs Mawkyrat District Sports Association; Dommawlum Playground
Zone D – U-14 (1pm) & U-16 (3pm); Eastern Border Sport Association vs Tyrsad Area Sports Association; Dewbyrtha Playground
Shillong, Nailur 13: Hadien bun taïew bad bun tylli ki jingïakhun ba la pyndep, ka lympung ïalehkai Meghalaya Youth League 2024 kan sa jam sha ka wat ïakhun ba khadduh jong ka round of round robin ha ka Zones B bad D ban sa long mynta ka Sngi Saitjaiñ.
Namar katto katne ki jingïalehkai ba la pynkynriah, ka Zone C ka dang don katto katne ki jingïalehkai katba ka Zone A ka la dep baroh ki jingïalehkai jong ki.
Ka jingïakhun kaba itynnat kan long ha ka Zone B ha kaba ka kynhun ba bat ïa ka kyrdan ba nyngkong, kata ka West Jaintia District Sports Association bad ka Amlarem Block Sports Association kin ïakhun ha Kiang Nangbah Stadium ha Jowai.
Na ka Zone D ki don ar tylli ki kynhun ba la khur mar 17 point ha ka kyrdan U-14 – ka Nongstoin District Sports Association kan sa leit ban ïakhun shabar nala ïing pyrshah ïa ka Mawshynrut Sports Association, katba ka Pyndengumiong District Sports Association kan pdiang ïa ka Mawkyrwat District Sports Association ban ïakhun mynta ka sngi.
Ka Eastern Border Sports Association, kaba dang beh nadien ïa ka Nongstoin ha ka kyrdan U-16, kan aireng ïa ka Tyrsad Area Sports Association ha la ïing.
Ha Shillong, ka Shillong Sports Association kan ïakhun hala ïing ïa ka Western Ri-Bhoi ha ka kyrdan ïalehkai U-16, katba ki kynhun ka Sohra Sports Association U-14 bad U-16 kan leit ïakhun shabar pyrshah ïa ka Ri-Bhoi District Sports Association.