Ka PIB Shillong ka ïatreilang bad ki lad pathai khubor bad ka jingai jingtip paidbah kaba seisoh

Shillong, Lber 28: Ka jingïalang Inter-Media Publicity Coordination Committee (IMPCC) kaba la long ha Shillong hapoh ka jingpynïaid jong ka Press Information Bureau, Shillong, kaba la wanrah lang ïa ki nongmihkhmat na ki tnat Sorkar Pdeng, ki jaka pule, ki kynhun pathai khubor, bad ki kynhun kiba trei ha ki kam ïada ri bad ki kam paidbah ban pynkhlaiñ ïa ka jingïatreilang bad ki rukom ai jingtip ïa ki paidbah.
Ha kane ka jingïalang, u Kripa Shankar Yadav, Additional Director General (NEZ), ka tnat Information & Broadcasting, u la ban jur ba ki rynsan IMPCC ki long ka lad na ka bynta ki jingïakren ba man ka por, ki jingpynïasoh lang bad ki jingïatreilang hapdeng ki tnat.
U la ban jur halor ka jingkongsan jong ka jingryntih ha kaba ïadei bad ki jingai jingtip bad u la ban jur halor ka bynta jong ka Press Information Bureau (PIB) bad ka Central Bureau of Communication (CBC) ban ai ki jingtip na ka sorkar ha ka rukom kaba seisoh bha. U la kren ruh shaphang ka jingpynbeit ïa ki jingeh jong ki lad pathai khubor, bad u la ban jur halor ïa jingdonkam ïa ka jingïatreilang kaba kham bha hapdeng ki ophis jong ka Sorkar Pdeng. U la pynshlur ïa ki that ba kin ïatreilang bad ka PIB bad kiwei kiwei ki jaka treikam kum ka Doordarshan bad Akashvanina ka bynta ka jingpynïar ïa ki jingai jingpynbna, bad u la ai jingmut ban pynlong ïa kum kine ki jingïakren na ka por sha ka por.
Da kaba pdiang burom ïa ki nongïashim bynta, u Gopajit Das, Assistant Director, PIB Shillong, u la batai shaphang ki jingthmu jong kane ka jingïalang bad u la kren shaphang ki kam jong ka PIB ba kynthup ïa ki Varta, Vartalap, bad ki press tour, bad u la kyntu ïa ki tnat ban pyndonkam ïa kine ki rynsan.
Ha kane ka jingïalang, ki nongmihkhmat na ka Assam Rifles, National Institute of Fashion Technology (NIFT) Shillong, ka Tnat Health and Family Welfare, Akashvani Shillong, Indian Institute of Management (IIM) Shillong, India Meteorological Department (IMD), North Eastern Institute of Ayurveda & Homoeopathy (NEIAH), North East Centre for Technology Application and Reach (NECTAR), ka Tnat Information and Public Relations (DIPR), Sorkar Meghalaya, bad ka Soil and Water Conservation Department ki la batai shaphang ki jingshem jong ki shaphang ki sienjam bad ki jingai jingtip.
Ki nongïashim bynta ki la ban jur halor ka jingkongsan jong ka jingïadei kaba kham khlaiñ bad ki lad pathai khubor, bad ka jingïatreilang kaba kham bha ban kyntiew ïa ka jingpaw jong ki prokram jong ka Sorkar. Da kaba ai jingmut ban pynïar ïa ka jindon bynta ha ki lad pathai khubor jong ka thaiñ bad ka ri, ka jingpynbeit ïa ki bynta kiba ïadei bad ka ktien bad ka jingïoh bynta, bad ka jingpyndonkam ïa ki rynsan ïakren na ka bynta ka jingai jingtip kaba seisoh bha.
Ka jingïalang ka la kut lyngba ki jingïamir jingmut shaphang ka jingpynkhlaiñ ïa ka jingïatreilang hapdeng ki tnat sorkar, ka jingpynbha ïa ki kam ai jingtip, bad ka jingkyntiew ïa ka jingïatreilang hapdeng kito kiba don bynta ha kane ka kam.