Ka ophis u DC kam pat shym la ïoh jingtip eiei halor kumno yn leh ïa une u dewiong ba la kurup ong ka EJNC

Khliehriat iaiong 6: Kum shi bynta ban bud dien ïa ka jingshah kurup ki dewiong ha East Jainytia Hills District, ka wei na ki sengbhalang napoh ka district, ka East Jaitntia National Council Khliehriat Circle, mynta ka sngi, kynthup ki nongialam bad ki dkhot ki la leit ban ïa kynduh ïa u Deputy Commissioner ka East Jaintia Hills District, u Abhilash Banarwal, IAS ban ioh jingpynshai na u ha kaba iadei bad u dewiong ba la kurup da ki bor synshar district.
U General Secretary jong ka EJNC Khliehriat Circle, u samla Mebanteilang Sukhlain, u la iathuh ba na ka liang u Deputy Commissioner u la ong ba um pat shym la ioh jingtip eiei ba kumno yn leh ha kaba iadei bad une u dewiong ba la dep kurup bad ka ophis u DC ka dang ap mynta ïa ka rai jong ki bor ba na neng. “U Deputy Commissioner u la pynshai shuh shuh ruh ba ïa une u dewiong ba la dep kurup yn sa die lilam noh sha ki paidbah kaba long katkum ka jinghun u paidbah bad u la pyn tikna ruh ba ka jinglilam ïa une u dewiong kan long beit katkum ka jingngeit lang ki paidbah, u la kyntu ïa ki paidbah ba kim dei satia ban tieng ne ban don kano kano ka jingklumar jingmut hynrei ban kin long kiba iaishah’ ong u kyrwoh na ka EJNC Khliehriat Circle.