Ka Nongrim ka Sixth Schedule ka Constitution ka Ri India
Da u rangbah u ba trei Shabar Jylla la bun snem bad u ba dang shu shong thait shen
Ka Nongrim ka Sixth Schedule ka Constitution ka Ri India.
Kat kum ka 6th Schedule, la ithuh ba kawei pa kawei ka tynrai riewlum lane “Native Indigenous Community” ba ka don la ka jong ka jong ka niam ka rukom, la ka jong ka riti ka dustur, la ka jong ka ktien lane kiba la tip “Ethnic Group” bad kiba don la ka jong ka jong ka rukom synshar khadar. Khnang ban ai jingïada ïa ka jinglong tynrai (tribal ethnicity and indigeneous identity) ki riewlum bapher bapher, ka 6th Schedule ka la bynta ïa kawei pa kawei ka thaiñ kita ki riewlum ha ki District. Bad ïa ka synshar-khadar ïa ki District la aiti ha ka kti ki trai ri-lum ka District namar u nongwei um lah ban sngewthuh ne shemphang ïa ka niam ka rukom ki trai ri ka District. Ha kata ka por ki thaiñ ri-lum ki don hapoh ka Jylla Assam.
Related Posts
(Ha Khasi-Jaiñtia ha kata ka por don tang kawei ka District, ka United Khasi-Jaiñtia Hills district, namar u Khasi bad u Pnar ki dei na kajuh ka ethnic origin. Ka jingpynmih ïa kiwei kiwei ki District mynta, kum ka East Jaiñtia, West Jaiñtia, Ri-Bhoi, West Khasi Hills, East khasi Hills ka dei tang na ka bynta ban pynsuk ïa ka synshar khadar, ym dei ban sngewthuh bakla ïa kata bad ïa ka jingthawaiñ hi ka bat ka KHADC. Dei ban tip ïa ka jingshisha ruh ba u Khasi-Pnar bad u Garo ki dei na la jong ka jong ka tynrai ( ki dei na la ka jong ka Native Indigenous Community bad Ethnic Origin).
Khnang ban ïoh jingshai kaba tikna shaphang ka 6th Schedule, ngi dei ban sngewthuh shai ïa ki nongrim; bad ïa ka 6th Schedule la pynshong nongrim katkum ka Kaiphod (Report) ka Sub committee kaba la tip kum ka ‘North-East Frontiers (Assam) Ka sorkar Phareng shwa ba kan aiti ïa ka jingsynshar sha ki nong India lyngba ka Constituent Assembly, ka la bthah ïa ka sorkar India ban thaw da ki aiñ synshar ki ba kyrpang ïa ki thaiñ rilum ki ba don shatei lam mihngi,namarba ki dei ki jaidbynbriew ki ba kham pher na kiwei pat ki thaiñ ka ri India; kiba don la ki jong ki jong ki riti ki dustur ha ka synshar-khadar. Da ka aiñ ka ba kyrpang khnang ban tehlakam na ka jingwanrung ki briew ki bana bar ban buhai shnong bad leh donbor halor ka riti ka dustur ki trai ri kari-lum District.
Ka Constituent Assembly ka la mynjur ïa ka jingai