Nongstoiñ, Lber 29: Ka ophis jong u District Child Protection Unit, West Khasi Hills District ha ryngkat ka jingïasnohktilang bad ka ophis jong u Deputy Commissioner bad ka ophis jong ka District Social Welfare Officer West Khasi Hills District, mynta ka sngi ka la pynlong ïa ka jingïalang kaba kyrpang na ka bynta bai ai jinghikai sha ki samla, ïa kaba la tip ruh kum ka Awareness Programme halor ka ‘Substance Abuse’.
Ha katei ka jingïalang I kong C.R.Sangma E.A.C. West Khasi Hills District I la long kum I kongsan bad la synran lang ruh ïa itei I kongsan da u bah N.Marweiñ Vice Principal ka Nongstoiñ College. La ïadonlang ruh kiwei kiwe ki ophisar kiba kynthup ïa u bah W.Shabong District Child Protection Officer West Khasi Hills District, kong V.War District Social Welfare Officer West Khasi Hills District.
Ïa katei ka jingïalang la pynlong ha Conference Hall, Nongstoiñ College kaba don ha Mawkhlam Nongpyndeng bad la pynïaid ïa katei ka jingïalang da u bah B.Kurbah Protection Officer. Hadien katei ka jingïalang kaba lyngkot, la don ruh ka jinghikai kaba kyrpang ïa khun samla ha kaba ki nongaij inghikai kiba la wan kyrpang na ki tnad ophis bapher bapher kynthup na ka tnad Pulit, tnad ka koit ka khiah, Childline, KRIPA bad kiwei kiwei.
I Kongsan haba kren ha ka jingïalang, I la ban jur halor ki jingktah jong ki jingmlien ba sniew khamtam ïa ki samla pule kiba dang khie dang san. I la ong ruh ba kum ki samla pule ki dei ban sumar khuid ïalade ha baroh ki bynta, namar ka met jong u briew ka long ka Temple jong u Blei.
