Shillong, Lber 29 : U Myntri jongka tnad kam jngohkai ka jylla u Timothy D Shira u la ong ba ka jylla Meghalaya ka dei ka jylla kaba la ïoh ka jingkyrkhu kyrhai na U Blei namar ka don kiei kiei kiba kyrhai ha ka. “ Ki khlaw ki btap jongngi, ki wah, ka khyndew kaba sei ïa ki jingthung ba ha rukom bad kane keiñ ka pynlong ïa ngi ki briew kumba ngi long mynta. Kaei ka tamasa die bam tynrai kata ka Culinary Cascade ka don ban ong halor kine ki jingdon kyrhai ka dei ban ong Phai sha kaei kaba ngi don bad kaei kaba ngi lah ban tei na kine”.
U la ong ha kine ki ar snem lyngba kane ka tamasa ki nongrep jongka jylla, ki trai resturant, ki nongshna waiñ ki la ïoh ban pynpaw bad sei madan ïa ki sap ki phong jongki bad kane ka jingiwbih ka la her shabar u pud ka Meghalaya.
Kane kam dei tang ka kolshor hynrei ka dei ruh ka ïoh ka kot, ka jingmyntoi ki briew, ka jingkiew ka khaïi pateng bad ka dei kata ba ka sorkar ruh ka thrang bad kwah.
Na ka liang u Chief Secretary ka jylla u Dr Shakil P Ahamed u la ong ba kane ka tamasa kam dei kaba long tang shisien hynrei ka long kum ka dak ban dang kyntiew ïa ka jylla ha ki kam jngohkai pyrthei bad kumjuh ruh ha ki kam seng kam seng jam lajong.
