Shillong, Risaw 03: Ka shnong Dympep, ryngkat bad ka NEEPCO bad ka kynhun Pynche ka la pynlong ïa ka lympung “Ki Dienjat ka Dympep” ha ka 2 tarik u Risaw 2025.
La wan ban pynshongkun da ki riewpawkhmat kum u Bah Gavin Mylliem, MLA kum u Kongsan bad ka Padmashree Patricia Mukhim kum ka Kongsan ba kyrpang.
Ki bynta ba kongsan ki kynthup ïa ka Clay Art Space haba la ai jinghikai shaphang ka rukom pynwandur ïa u dew byrtha, ki jingïaleh kai tynrai bad Ki Workshop ba iadei bad ka shet ka taïew bad ka oh dur, bad ka jingrwai na ki khynnah Dympep LP/UP School. Ka jingïalang ka la kut da ka jingrwai da u Lou Majaw.
