Shillong, Nailur : U Syiem ka Hima Khyrim, Smit u Dr. BS Syiem da kane u pyntip ba ïa ka Lehniam bad ka Shad jong ka Hima Khyrim ha Smit yn pynlong ha ka 6 bad 7 tarik u Naiwieng 2022.Kane ka Leh Niam ba shisien shi snem ka pyni ïa ka Synshar ka Khadar ha ryngkat ka Niam ka Rukom bad ka Tem ka Put ka Shad ka Kmen.Ka dei ruh ka Nguh ka Dem ha U Blei Trai Kynrad ba Un kyrkhu kyrdoh ïa ka Hima bad ki khun ki hajar.Kane ka long ruh ka sakhi ïa ka jinglong kyrpad jong ka jaidbynriew Khasi.
