Shillong, Nailur 21: U CEM jong ka KHADC u Bah Titos Chyne ha ka sngi Balang u la pynpaw ba na ka liang jong ka konsil kan ïeng beit bad ki trai jaka lem ruh bad ki Khlieh Nongsynshar kiba ka lynti rel kan ïaid lada tih.
Haba kren sha ki lad pathai khubor u la ong ba lada ki trai jaka ryngkat ki khlieh Nongsynshar ki pyrshah ïa ka jingpynpoi lynti rel na ka liang ka konsil ruh kan ieng lang ha kajuh ka nongrim. U la ong ruh ba lada donkam ban rah biang ha ka jingïalang hapdeng ka KHADC bad ki Khlieh Nongsynshar kine ki jaka na ka liang ka konsil kan leh beit ïa kata.
Haba kren halor ka jingleit sorjamin ka sorkar ïa kine ki jaka khlem ïoh jingbit na ka KHADC, u Bah Titos u la ong ba na ka liang ka sorkar ka lah ban leit sorjamin khlem da pan jinbit na ka KHADC hynrei dei ynda ki la mut shim jaka ba ki donkam ka NoC na ka.
Kumban shu kdw hangne ba na ka liang u Myntri ka Transport Department ha ka Dorbar Synrai u la ïathuh ba ka sorkar Pdeng ka pynbor ïa ka sorkar jylla ban shim ki lad ki lynti ban wanrah noh ïa ka lynti rel ha ka jylla bad kumjuh ba u la ïathuh ba ka jingsorjamin jaka na bynta ka surok rel ka ïaid shait-shait.
