Shillong, Naiwieng 01: Ka Khasi Students’ Union Shillong mihngi Circle ka la pynlong ïa ka jingpynsngewthuh paidbah (public awareness) ha kaba ïadei bad ki mat kiba iadei bad ka jingshongkha khynnah, ka jingpep skul shiteng por bad ki jingsniew ki jingdih pynbuaid.
Ïa kane ka sienjam ka seng ka la shim hadien ba ka la ïohi ïa ka jinglong jingman jong ka imlang sahlang kaba mynta ha kaba ki khynnah ki kloi ban ngop ha ki jingsniew kiba pher bapher.
Ki nongkren ha kane ka sngi ki long u Samla James H Mawphniang, Legal affairs secretary KSU CEC, u ba la batai halor ka mat ka jingshongkha khynnah bad ka jingktah jong ka ïa ka imlang sahlang. Nangta U samla Shiningstar Kharbihkhiew Environment secretary KSU-CEC, u ba la kren halor ka bynta ka jingktah jong ka jingpep skul shiteng por ki khynnah bad i Kong Jennyfer Nongbet bad Deep Gurung kiba la wan mihkhmat na ka Child friendly society kiba la ai ïa ka jingkren bad jingpynshai ha kaba ïadei bad ki jingsniew bad jingktah jong ki jingdih pynbuaid ki bapher bapher.
La pynshngaiñ lang ïa kane ka program da ka jingdonlang ki nongïalam ka Organising committee KSU-CEC, u Bah Phrangborlang Warjri, u Rangbah Shnong ka shnong Nongmensong, ki Executive committee jong ka Dorbar Shnong Nongmensong, ki nongïalam bad dkhot ka Nongmensong Women’s welfare association, ki kmie ki kpa ki khynnah skul ka Nongmensong Dorbar secondary school, ki nonghikai skul bad ki khynnah skul ka Nongmensong Dorbar secondary school kiba la sngap pynleit jingmut ïa ka jingbatai bad pynsngew jong ki nongkren, ong ka kyrwoh khubor ba la phah da u R.Kharjana General Secretary ka KSU-SMC.
