Ka jingshna dur kamai bad kynthoh shimet ïa ki nongïalam ka pynhiar dor ïa ka burom ka jaidbynriew

Ha kane ka juk Jong ka Social Media, nga iohi ba shibun ki dkhot Jong
ka Jaidbynriew Hynniewtrep ki pyndon kam ïa ka ban ïoh kren tohmet, ban thoh khem akor bad thoh tatdor ïa ki Riewrangbah Jong ka Jaidbynriew khamtam eh ia ki Nongsaiñhima ( Politician) .
La shna dur kamkai bad dur danda ( meme) ïa ki Riewrangbah lada kim ïahap ne ïapher jingmut , La kren tatdor bad pohjaid pyrshah ïa ki, don ruh kiba kren wat ïa ki kam shimet ne kam ïing jong kine ki Riewrangbah bad kaba sngewsih eh ka long haba ki ïoh ïa kum kine ki dur ne ki Jingthoh ki ïa muja ban ïa pynsaphriang klumar ïa ki.
Ha nga shimet, Kane ka long kaei kaei kaba ngam lah ban pdiang. Kane ka pynhiar dor ïa ka burom Jong ka Jaidbynriew. Kumta, nga kyrpad rit ia ki dkhot ka Jaidbynriew Hynniewtrep ba phin sngewbha ban sangeh noh ia kum kine ki kam. Hooid phi don ka hok ban pyni ne pynpaw ia ka jingsngew hynrei to pyni ha ka lynti kaba dei. Lada phi iapher jingmut lane phim ïahap ïa ki kam jong ki politician ne jong ki Riewrangbah sngewbha pyni bad thoh da ki ktien shongnia lane da ki ktien don akor ym ban shna ïa ki dur kamkai ne da ki ktien danda bad ki ktien khlem akor.
Ka burom kaba kor, ki kam khlem akor ki pynpaw ïa ka jinglong khlem akor Jong uta hi u briew. Sngewbha wat nym ïa thadrong ïa la ka burom lajong.