Ka jingpynsted ïa ka bor jong ka jingkiew shaphrang lyngba ka jingsynshar kaba bha ( Da u Pankaj Joshi )

Ka jingïaid lynti jong ka India sha ka jingsynshar kaba paka bunsien ka pyni ïa ka jingeh jong ka jingpyntreikam ha baroh ka rukom synshar paidbah kaba ïar. Ka sienjam jong ka PRAGATI (Pro-Active Governance and Timely Implementation) kaba la wanrah da u Myntri Rangbahduh u Narendra Modi ha u snem 2015, ka la long kum ka lad kaba khlaiñ ban weng noh ïa ki jjingeh na ki kam synshar. Katba ka pynsted ïa ki projek jong ka ri, ka jingktah jong ka ka long lehse kaba paw bha ha ki jylla, ha kaba ïa ki projek ba kyrpang jong ka thaiñ kiba kongsan na ka bynta ka jingkiew ka ïoh ka kot la buddien sani bha.
Ha Gujarat, ki jingbishar bniah jong ka PRAGATI ki la pynbeit ryntih ïa ki jingeh ha ki projek ba kongsan ba ïadei bad ki jingdon jingem, ka bording, bad ki projek ba ïadei bad ka bha ka miat ha ka imlang sahlang, kaba pyni ïa ka rukom treikam kaba khlaiñ jong ka jingsynshar paidbah kaba ïatreilang ha ka jingtreikam.
Ka PRAGATI ka treikam ym tang kum ka jaka bishar bniah hynrei kum ka jingsynshar kaba khmih lynti. Ka jingpynphriang ïa ka agenda ha kaba sdang jong u bnai ka la pynmih ïa ka jingïatreilang kaba thikna da ki tnad sorkar Jylla kiba donkti, ki bor synshar distrik, bad ki tnad kiba pyntreikam. Kum ka jingmih na ka jingbuddien la pynbeit katto katne ki mat shwa ki jingïalang jong ka PRAGATI ba la buh por. Kumta, la weng noh ïa kum kine ki mat na ka jingbishar bniah kaba khatduh, kaba pyni ïa ka jingpynbeit ha ki Jylla shwa ban shimkhia ha ka kyrdan ba hakhlieh duh.
Ka jingïatreilang ha ka kam digital na ka bynta ka jingpynsted ba kyrpang ha ki jylla
Ka tynrai jong ka jingjop jong ka PRAGATI ka shong ha ka bor jong ka ban wanrah ïa ki kyrdan ba hakhlieh duh jong ka synshar khadar jong ka jylla bad ka sorkar pdeng ha kawei ka rynsan digital kaba la pynïaid da ka jingkitkhlieh. Man la u bnai, kane ka jingpynïasoh ka ailad ban bishar bniah ïa ki projek kiba lah ban sahkut namar ka jingïakynad hapdeng ki tnad lane ki jingeh ha ka jingshim jaka.
Ka jingpynkylla na ka jingtreikam marwei ki tnad na ka bynta ka jingkiew shaphrang ba kongsan: Ka Delhi Mumbai Industrial Corridor (DMIC)
Da kaba buh ïa ka DMIC hapoh ka jingpeit bniah beit beit da u Myntri Rangbahduh, ka PRAGATI ka la pynthikna ba ki mat kiba ïadei bad ka Dholera Special Investment Regional Development Authority, ki tnad sorkar pdeng, bad kito kiba don bynta ha kane ka kam la pynbeit mardor. Kane ka rukom treikam ka pynsted ïa ka jingshim rai, ka weng ïa ki jingeh kiba ïadei bad ki bor synshar, bad ka ai ïa ki jingbthah kiba shai, kiba la buh por sha baroh ki kynhun kiba don bynta, da kaba pynsted ïa ka projek kaba long u mawjam jong ka lawei jong ka kam karkhana jong ka India.
Ki jingpeit bniah jong ka PRAGATI ki la pynthikna ïa ka jingkyntiew ïa ki jingdon jingem ha ka por kaba biang jong ka kad liengsuiñ Dholera bad ka Ahmedabad-Dholera Expressway, kaba dei ka projek thymmai kaba kongsan kaba 109 km kaba la shna khnang ban pynïasoh ïa ka Ahmedabad bad ka Dholera Special Investment Region (SIR). Da ka jingbei tyngka ha ka projek ba kongsan kaba T.91,000 klur na ka bynta ka karkhana shna semiconductor, kane ka thaiñ ka la khreh ban long ka jaka pdeng jong ki kam semiconductor jong ka India ban pynmih ïa ki chip ba nyngkong ba la shna hapoh ka ri. Kum kine ki projek jong ka sorkarpdeng kiba treikam hapoh u pud u sam jong ki jylla ki long ki kandidet kiba biang bha na ka bynta ka rukom treikam jong ka PRAGATI, kaba pynthikna ïa ka jingïadei hapdeng ka jingpyntreikam jong ka jylla bad ka jingthmu jong ka ri.
Ka jingkyntiew ïa ka bording kaba khuid ha Gujarat
Ka Gujarat ka dei ka nongïalam ha ka bording ba lah ban pynthymmai, bad ka PRAGATI ka don ka bynta kaba kongsan ha kaba pyntreikam ïa ka lad kaba khraw jong ka. Ki projek solar bad wind kiba heh bad kiba bun ki ban jur ïa kane ka jingthmu. Ka Khavda 1200MW Solar PV Project (T. 6284 klur) bad ka Khavda 1255 MW Solar PV Project (T.7180 klur) kidei ki bynta ba kongsan jong kane ka kam. La bishar bniah ruh ïa ka Bhuj 300MW Solar PV Project (T.1443 klur) bad ka rukom pynpoi bording ba ïadei bad kane na ka bynta ban pynkynriah ïa ka bording ba la pyndap sa 7 GW na Khavda RE park (T.4231 klur), kaba la ktah ïa ka bording, ka khajna, bad ki tnad Forests & Environment.
Ka jingpeit bniah ba la buh ryntih jong ka rynsan ka pynthikna ïa ka jingïatreilang kaba ryntih hapdeng ki tnad sorkar jylla bad ki tnad sorkar pdeng, kaba kongsan bha na ka bynta ki projek kiba donkam ïa ki jingïoh jingmynjur ba ïadei bad ki ka jaka bad ka mariang.
Ka jingpynbeit ryntih ïa ka Sardar Sarovar Command Area Development
Ha kaba ïadei bad ka Sardar Sarovar Project (SSP) bad ki projek ai um ha ka ri kiba kham ïar, ki jingbishar bniah jong ka PRAGATI da u Myntri Rangbahduh ki la long ka bynta kaba kongsan ha ka jingkylla na ka rukom ai um tynrai sha ki rukom ai um kiba rit. Ki jingbthah ba ïadei bad ka polisi jong ka PRAGATI ki la bthah ïa ki rukom pyntuid um kiba rit kum ka drip bad ka jingsynreit um kum ka jingdonkam ba kongsan na ka bynta ka jingmynjur bad jingai pisa ïa ka projek. Ha kajuh ka por, ka Sardar Sarovar Project, kaba ju tip kum u budlum jong ka Gujarat namar ka bynta jong ka ban weng ïa ka jingduna um, ka la shim ïa ka rukom pynïaid pipe hapoh khyndew (UGPL) kum ka jubab ïa ki jingbishar bniah jong ka PRAGATI. Kane ka jingkylla na ki wahduid ka thmu ban kyntiew ïa ka jingtreikam bad ka jingpynpoi um da kaba pynneh pynsah ïa ka um, pynduna ïa ka jingphiah ïa ka jaka, bad pynduna ïa ka por shna.
Palat ïa ki jingdon jingem: Ka Jingbthah ha ka Imlang Sahlang
Ka jingtreikam jong ka PRAGATI kam sahkut ha tang ki jingdon jingem. Ka long kaba treikam kumjuh ha kaba buddien ïa ka jingpyntreikam ïa ki skhim ba kongsan jong ka imlang sahlang, ban pynthikna ïa ka jingpynpoi kam sha baroh.
PM-Ayushman Bharat Health Infrastructure Mission (PM-ABHIM): Ïa kane ka sienjam ba kongsan ba ïadei bad ka koit ka khiah la buddien ban pynthikna ïa ka jingpynbiang ïa ka skhim ha ka por kaba biang. Ki jingmyntoi ba kongsan na ka bynta ki nongshong shnong ki long, Ka jingkyntiew ïa ka jingïoh ïa ka lad jingsumar lyngba ki Ayushman Arogya Mandir (AAM) ba la pynbha; Ka Jingkyntiew ïa ka Jingsumar; Ka jingpynduna ïa ka jingban khia ha ka liang ka pisa tyngka; Ka Jingpynkhreh bad Jingai jingïarap kaba kham bha na ka bynta ka khlam da kaba pynwandur ïa ka rukom peit bniah ïa ki jingpang ba pyndonkam da ka IT bad ka jingpynïasoh ïa ki jaka test; Ka jingai jingsumar kaba pura; bad ka jingpynïasoh ïa ki lad digital ha kaba ïadei bad ka koit ka khiah.
Ka PM Schools for Rising India (PMSHRI): Ïa ka jingïaid shaphrang jong kane ka skhim, kaba kongsan na ka bynta ban pynthymmai ïa ki jingdon jingem jong ki skul la bishar bniah lyngba ka PRAGATI. Kumta, 448 tylli ki skul ba la pynïaid da ka sorkar ha Gujarat ki sakhi ïa ka jingkyntiew stet ïa ki jingdon jingem ba ïadei bad ki skul.
Ka Skhim “Lakhpati Didi”: Ka sienjam ba kongsan kaba thmu ban pynkupbor ïa ki kynthei lyngba ki kam pynroi ha ki jaka nongkyndong la buddien ruh ha ka rynsan PRAGATI. Palat 6 lak ngut ki Lakhapati Didi ha Gujarat ki ïoh ïa ka kamai kajih kaba ïaineh lyngba ki jingïarap bapher bapher jong ka jingkyntiew ïa ki sap, ka jingkynthup lang ha ka kam pisa tyngka, ka jingtip shaphang ki lad digital bad ka jingïohrung ha ki ïew ki hat.
Da kaba bishar bniah ïa kine ki skhim ha ka kyrdan ba hakhlieh duh, ka PRAGATI ka pyntreikam ïa ka jingkitkhlieh bad ka pynthikna ba ki nongïoh jingmyntoi ba la thmu ha Gujarat kin ïoh ïa ki lad ban ïoh ïa ki jingshakri na ka sorkar ha ka por kaba biang.
Ka jingpynkupbor ïa ka Gujarat: Ka jingkyrshan ba la wanrah jingkylla jong ka sorkar India lyngba ka PRAGATI
Hadien ka jingjop jong ka PRAGATI ha ka ri, ka sorkar Gujarat ka la wanrah ïa ka SWAGAT 2.0, kum ka rukom kaba katkum ka juk mynta ban peit ïa ki jingeh bad ïa ki projek. Ka don ïa ka Auto Escalation Matrix, kaba la shim na ka jingpeit ka PRAGATI ïa ki jingeh kiba kongsan. Da ka jingpynshlur na ka jingbuddien ïa ki projek jong ka PRAGATI, ka SWAGAT ba la pynkylla mynta ka don ïa ki jingpeit bniah ba kyrpang ïa ki jingtreikam. Kine ki ailad ïa ka Ophis jong u Myntri Rangbah (CMO) ban bishar bniah ïa ka jingtreikam jong ki ophisar bad ban ithuh ïa ki distrik kiba bun ki jingeh ki bym pat lah ban pynbeit. Kum ka jinglah jong ka PRAGATI ban pynlong ïa ka jingpynkylla ha ka rukom treikam lyngba ki jingpeit bniah ïa ki projek, ka rukom treikam ba thymmai jong ka SWAGAT ka pyndonkam ïa ka dashboard data ban ithuh ïa ki jingeh kiba mih na ka por sha ka por kiba donkam ïa ki jingkylla ha ka polisi ban ïa kaba shu pynbeit ïa ki jingeh jong uwei pa uwei. Lyngba ka SWAGAT 2.0, u Myntri Rangbah ka Gujarat u bishar bniah hi dalade ïa ki jingeh man la u bnai-kum ki projek shna ïing bad ki jingpynslem ïa ki jingdon jingem-da kaba pynmih ïa ki jingbthah kiba pyrkhing, kiba la buh por na ka bynta ban pynbeit, ka rukom treikam kaba kongsan jong ka kam jong ka PRAGATI “Ka Jingpyntreikam ha ka Por”.
Ka jingïaid lynti jong ka roi ka par kaba phylla jong ka Gujarat kalong kum ka jingpynshishaïa ka jingkyrshan kaba iohijngaibad ka jingïalam kaba ïatreilang kaba la ai da u Myntri Rangbahduh ba donburom u Narendra Modi. Lyngba ka rukom treikam jong ka PRAGATI kaba nyngkong, ka Sorkar Pdeng ka la iarap iaka Sorkar, da kaba ai ïa ki jingdonkam ha ka liang ka teknoloji bad ka jingïalam lynti kaba donkam ban plie ïa ka lad ba pura jong ka.
(U Nongthoh udei u IAS (R), Chairman GERC/ Ex- Chief Secretary Gujarat).