Khliehriat, Nailur 13: U Deputy Commissioner Supply jong ka East Jaiñtia Hills District u pynbna paidbah ïa ka rukom ban thep ïa ki form jong kito kiba kwah ban thep ïa ki application na ka bynta ki dukan wholesaler ha East Jaiñtia Hills District kaba na ka bynta u snem 2023 haduh u snem 2024 bad ki centre ki don hynriew tylli ha Khliehriat, ar tylli ha Sutnga, kawei ka Rymbai, ar tylli ha Lumshnong bad ar tylli ha Umkiang.
Kiba thep ki lah ban dei ki briew shimet ne ki nongkhaiï (Firm), ki Co-operative Society, ka application kaba katkum ka Form-No 1 jong ka Meghalaya Food Grains (PDS) Control Order, 2004 dei ban pynpoi sha ka ophis jong u Deputy Commissioner (Supply) ka East Jaiñtia Hills District ha lane shwa ka 30 tarik u Nailur 2022.
Ki nong thep kyrteng ne ki nong apply kiba katkum ka Form No 1 ki dei ban suh lang ka ïa Court Stamp Fee kaba T 25 tyngka, lai tylli ki dur shiteng, ar tylli ki Bank Guarantee kiba T 1,00,000 tyngka na ka bynta ki trai jylla bad T 2,00,000 na ka bynta kito kiba na bar ka jylla ryngkat bad ka Non Judicail Stap kaba T 10 tyngka.
