Ka jingpynbna ban leh ïa ka ‘Deposit-free LPG Connections’ na ka bynta ki kynthei ba duk

Mawkyrwat, Rymphang 04 : Ka ophis jong u Deputy Commissioner (Supply), South West Khasi Hills District, Mawkyrwat ka la ai ïa ka jingtip kyllum ïa ki paidbah ka South West Khasi Hills District ba ka sorkar India, lyngba ka tnad Petroleum and Natural Gas, ba la la dep ban mang pisa haduh 25 lak tyngka na ka bynta ban leh ïa ka ‘Additional Deposit-Free LPG Connections’ kaba dei ïa ki longkmie ba duk (Poor Adult Women) ha baroh kawei ka ri India kaba dei jong u snem 2025 – 2026 hapoh ka Pradhan Mantri Ujjwala Yojana (PMUY) 3.0.
Ka skhim ka thmu ban pynbiang ïa ka umphniang shet lyngba ka LPG sha ki longïing kiba duk kiba dei hok, da kaba pynbha ïa ka koit ka khiah, ka jingshngaiñ, bad ka jinglong jingman jong ki kynthei.
Na ka bynta ki jingtip ba bniah ha kaba ïa dei bad ki kyndon ban ïoh, ki kot ki sla kiba donkam, bad ka rukom aplai, kiba kwah ban aplai ki lah ban ïakynduh hapoh ka jaka sam LPG ba jan tam: M/s Genesis HP Gas Gramin Vitrak, Mawkyrwat lane phone ha u +91-6909904506.