Shillong, Nailur: Ka Balang Presbyterian Pohkseh, Shillong lyngba une u kyrwoh ka pyntip ba kan don ka Jingïaseng Thung Provisional jong ka Khasi Jaiñtia Presbyterian Synod Pdeng ka ban long ha ka Balang Presbyterian Pohkseh ha ka 25 tarik mynta u bnai.
Kumta halor kane ka pyntip na ka liang ka Balang ka la pynkhreh ha kaba ïadei bad ki jaka pynïeng kali na ka bynta katei ka sngi.Ka jaka na ka bynta ban pynïeng ïa ki kali rit kan long ha madan Pohkseh, ha Madan kaba don marpyrshah ka ïing I Bah Charles Pyngrope (MLA) bad ha Industrial Training Institute (ITI) Women’s Hostel, Rynjah.
Ka jaka pynïeng na ka bynta ki bos kan long hapoh Industrial Training Institute Field (ITI) Rynjah.
Ki nongwan jingïaseng ki lah ruh ban shim ïa ka jingïarap lem jong ki Traffic Volunteer ba la pynbeit da ka Balang lane na ki pulit pynïaid kali jong ka Shillong Traffic Police.
