Ka jingpynbeit ïa ka rukom ïeng kali ha ka KJP Synod Sepngi ha ka Balang Presbyterian Nonglang

Mawkyrwat, Risaw, 26: Ka Balang Presbyterian Nonglang kaba hap hapoh jong ka South West Khasi Hills District kan sa pdiang ïa ka Jingïaseng Ïalap jong ka Khasi Jaiñtia Presbyterian (KJP) Synod Sepngi ka ban sa sdang naduh ka 29 haduh ka 30 tarik u Risaw, 2022.
Kumta kum ka Balang lyngba u T.Bn. D.D. Kharlyngdoh ki la ai katto katne ki jingbthah bad jingpynbeit na ka bynta ki jaka ïeng kali sha katei ka Jingïaseng Ïalap ba baroh ki kali kiba wan na Mawkyrwat, Mawten, Dombah kin ïing ha ka jaka ïeng ha Tynrong Synrang-bah hajan jaka pynlong jingïaseng. Ki kali ba wan lyngba ka shnong Mawlangwir kin ïeng ha madan saitsnad (Mar syndah bad ka madan Football).
Nangta, ki kali kiba wan lyngba ka shnong Rangthong – Mawmerang kin ïeng hapoh shnong Nonglang ha Mawleiñ School Compound bad kiba wan na ka thaiñ War Photjaud – Hilland pat kin ïeng harud surok Tewbah ter ter haduh Synrang nah harum khyndiat ïa ka jaka pynlong jingïaseng.
Kum ka Balang Presbyterian Nonglang ka khot sngewbha ïa ki para bangeit baroh ban wan lang sha katei ka jingïaseng ong u kyrwoh khubor na u T.Bn. D.D. Kharlyngdoh.