Shillong, Nailar 18 : U Symbud Myntri Rangbah ka jylla ha ka sngi Palei u la ong ba ka jingkynthoh jong ka All India Trinamool Congress (AITC) haba ïadei bad ka Smart City Project kadei ka bym don nongrim satia haei haei ruh.
Kane ka jingpynshai na ka sorkar kadei hadien ba ka AITC ka la kynnoh ba ka la lap ïa ka jingdkoh treikam ha ka jingpyntrei ïa ka Shillong City Project.
Shuh shuh u la pynshai ruh ba ka jingkam jong ka AITC ba ka sorkar jylla ka la ïoh pdiang haduh 1005 klur tyngka na ka bynta katei ka projek kam dei satia kaba shisha.
“Ki la kynnoh ba ïa ka song pisa kaba 1005 klur la dep ban pyllait kadei ka bym don nongrim satia namar tad haduh mynta kaba ngi ïoh pdiang lyngba ka SSCL kadei tang 251 klur ryngka ha kaba 55 klur kadei naka bhah jongka sorkar jylla bad 196 klur tyngka pat kadei na ka bhah kaba wan na ka sorkar pdeng,” ong u Bah Prestone.
Kumta, u Symbud Myntri Rangbah u la ong ba kitei ki jingkynnoh baroh ki dei ki bym shong nongrim bad ki dei tang ki ishu politik.
