Shillong, Jylliew 15 : Ka jingshna da kawei pat ka jingkieng thymmai hajan ka dam Umïam yn sa pyndep noh la kumno kumno ha u Nohprah mynta u snem.
Haba pyntip ïa kane, u Symbud Myntri Rangbah ka jylla, Bah Prestone Tynsong u la ong, “Hapoh jong kane ka wah ba don ka jingkieng Umïam kaba rim, ngi la sdang ban shna da kawei pat ka jingkieng ba thymmai.”
Shuh shuh u la ong ba ka jingtrei mynta ka la ïaid shakhmat bad la kumno kumno ha u Nohprah kin sa pyrshang ban pyndep.
Da kaba kam ba ka jingkieng thymmai kam dei satia kaba la mang ban neh slem, u Symbud Myntri Rangbah u la ong ba kane ka jingkieng ka long kum ka jingkieng kaba shipor.
U la pyntip ruh ba ka sorkar India ka la aiti ha ka NHIDCL ïa ka surok naduh ka flyover ha Umiam shaduh Shillong na ka bynta ban pynheh bad pynkylla noh ïa ka sha ka surok fourlane.
“Ki kam koi la ïaid mynta la ka long naduh ka jingsorbe bad ka jingïakren bad ki trai jaka bad kiwei kiwei ka la sdang mynta,” ong u Symbud Myntri Rangbah.
