Ka jingkhlad ki briew ha Thangskoo dei ba ïada ka sorkar ïa ka kam tih dewïong be-aiñ: KHNAM

Shillong, Rymphang 06: Ka jingjia bthei bom dynamite ha East Jaiñtia Hills District ha ka krem dewïong ha Thangskoo ha kaba la don ka jingkhlad jong ki briew kiba la kot haduh 25 ngut haduh mynta kadei na ka daw jing ïada ka sorkar ïa ka kam tih dewïong beaiñ, ong u Bah Thomas Passah, Working President ka KHNAM, CEC.
U la ong ba ka long kaba lyngngoh ban ong ba ka sorkar kam tip shaphang ka jingtih dewïong beaiñ bad ka jingshalan beaiñ da ki truck kiba ïaid na ki surok na khmat ki police outpost lane ki check gate.
“Ka sorkar ka la thaw ïa ka committee halor kane ka jingjia hynrei kaba sheptieng ka long ba ïoh ka jingthaw committee kadei tang ka buit ban pynklet ïa u paidbah bad kan shu jah la ka jah hi tad haduh ba don biang ka jingmynsaw,” ong u Bah Passah.