Ka jingkhiah u Klongsnam bad jinglang ki thiedsnam ka ktah na ka jingkiew bad duna ka Cholesterol

Ka jingjur lane jingkiew lane jingduna palat ka Cholesterol ka don jingktah ïa ka jingkhiah u klongsnam bad ïa ka jingtuid jylli ka snam ha ki thied snam. Ka jingduna bad kiew palat ka Cholestrol ka pynsuki bad khanglad ïa ka jingïaid beit ka snam ha ki theid snam bad ka ïalam sha ka jinglang ki thied snam.
Ka jingduna bad jingbun palat ka Cholesterol ka lah ban buh jingma ïa ka koit ka khiah u klongsnam bad ka wallam ka jingkhanglad ïa ka jingtuid jylli ka snam ha ki thiedsnam bad khanglad ïa ka jingtreikam ki thiedsnam haka met, ka khanglad ïa ka tuid bha ka snam bad pyntlorbor ïa u klongsnam, ka bor kynshait ne tuid ka snam sha ki kynta jong ka met. Namarkata, ka jingjur palat bad jingduna ka Cholesterol ka don jingïadei bad ka jingma ka jingkhiah klongsnam bad ki thied snam.
Ki jingbam batei bad ka rukom im kaba tei ïa ka koit ka khiah ki dei kiba lah ban ïarap halor ka jingpynbiang halor ka jingdon ka Cholesterol ha ka met. Ka jingkilan met manla ka por ka dei kaba lah ban pynbiang ka jingdon ka Cholesterol. Ka jingkynthup bun ka fibre ha ki jingbam ka dei kaba kongsan ka jingmyntoi ha ka liang ka koit ka khiah na bynta u klongsnam bad ki thied snam da ka jingpynbiang ban don ka Cholesterol. Ka jingkhiah u klongsnam ka dei ban don ïa ka Cholesterol ba kynthup ki jingbam ba bun ka fibre kum ki jhur.
Ka Omega-3 fatty acid ka dei kawei pat kaba ai jingmyntoi bad jingkhiah klongsnam. Ka Omega-3 kam ktah satia halor ka jingdon ka Cholesterol hynrei ka kyntiew bad aibor ïa ka jingkhlaiñ u klongsnam. Ki jait jingbam ba bun bha ka Omega-3, ki kynthup ka dohkha, ki shyieng symbai bad walnut.
Ki don ki jait dawai kynbat kiba donkan bad ba kongsan ka jingdon ka Colesterol kiba ngi ju pyndonkam ruh ha kaba shet jingshet ha ka liang ka koit ka khiah kum u shynrai, syieng bad rynsun, kine ki lah ban tehlakam halor ka jingkiew lane jingbun ka Cholesterol. U rynsun, ki jhur jyrngam ba dang lung kiba bam im, ki pudina ki long napdeng ki jait jhur kynbat kiba lah ban tehlakam halor ka jingbun ka Cholesterol ha ka met.