Anita Praveen
Secretary, Tnad Food Processing Industries
Ka India kadei kawei na ka ïoh ka kot kaba heh tam bad kaba kiewsted bha ha ka pyrthei bad ka kam pynmihjingbam jong ka, ka long ka bynta ba kongsan ban kyntiew shaphrang ia ka ïoh ka kot bad pynthikna ka jingshngain ha ka jingdon ka bam. Ka ri ym tangba ka la sakhi ia ka jingkiew ba phylla bad ka roi ka par hynrei ka la long ruh kum ka bor kylleng ka pyrthei ba kyntiew ia ka ïoh ka kot kaba iar.
Namar ki sienjam kiba iar bad ki kam jong ka sorkar, kane ka kam ka la kiewbha ha kine ki snem, kaba la nohsynniang 7.66% sha ka Gross Value Added (GVA) ha ka jingshna bad 8.45% sha ka GVA ha ka kam rep haduh ka kut snem 2022-23.
Ka India kalong ka bynta ba kongsan ha ka jingpynmihia ki mar bam kylleng ka pyrthei namar ki jingdon jingem ba riewspahha ka rep ka riang. Namar ba kalong ka nongpynmih mar bam ba heh tam kum ka dud, ki krai, ki soh, ki jhur, u slasha, bad ka dohkha, ka la wanrah ïa ka nongrim kaba khlain na ka bynta ka kam shna jingbam. Ka jingshalan ka India ïa ki mar bam bad ki mar rep ka la kiew sha ka USD 46.4 billion ha u snem mang tyngka 2023-24, kaba pyni ïa ka jingkiew sted kane ka kam bad ka jingkiew ha ka jingktah ïa ka pyrthei.
Ka bynta jong ki jingbam ba la dep shna haba ïanujor bad baroh ki mar bam ba shalan ka la kiew na ka USD 4.90 bnha u snem 2014-15 sha ka USD 10.88 bnha usnem 2023-24.
Ki kabu ha ka kam shna jingbam jong ka India kilong kiba ïar, ha kaba man ka sub-sector ki don ki bynta jingkiew ba kyrpang. Ka jingwan jong ka teknoloji ka la pynkylla ïa kane ka kam, kaba la ïarap ban kyntiew ha ka jingshngain ka bam, ban song, ki kam logistic, bad ka jingpynpoi ïa ki mar.
Ka jingkiew ka e-commerce bad ka jingkiew ka jingdawa ïa ki bam ba la pynkhreh lypa ban bam ki la plie shuh shuh ïa ki lad ki lynti ban kiew shaphrang, bad kumta kane ka dei ka por kaba shongshit bha ïa ki nopngbei tyngka bad ki nongseng kam lajong.
Ka Tnad Food Processing Industries ka la pyntreikam shibun ki skhim bad ki sienjam kiba la ïarap bha ïa kane ka jingkylla bad ka jingpynthikna ïa ka jinglong jingman kaba skhem. Kane ka jinglong jingman ka kyntiew ïa ka jingsaindur thymmai, ka jingbei tyngka, bad ka jingïoh bynta lang baroh ha ki karkhana bad ki kam kiba rit, kiba pdeng bad kiba heh.
Ka skhim Pradhan Mantri Kisan Sampada Yojana (PMKSY) ka la don ka bynta kaba khraw ha ka jingpynbiang ïa ki jingdon jingem katkum ka juk mynta ha kaba ka jingpynbiang mar ka long kaba ïaid beit ïaid ryntih na ki jaka rep sha ki jaka die khutia.
Kine ki sienjam ki la pynduna ïa ka jingsepei ki mar rep bad kyntiew ïa ki lad ki lynti ban shalan mar. Shuh shuh, ka skhim Production Linked Incentive ka long ka sienjam ba heh ban kyntiew ïa ka jingïakhun ha ki kam pynmih jingbam ha India. Ka tnad ka dang pyntreikam ruh ïa ka skhim, “PM Formalisation of Micro food processing Enterprises (PMFME)” kaba bei tyngka da ka Sorkar Pdeng ban pynbiang ïa ka jingkyrshan pisa, teknikal bad khaii pateng ban sdang / kyntiew ïa ki kam barit ha ka ri kiba ïadei bad ki jingbam.
World Food India: Ka jingpyni ïa ka India kum ka jaka pdeng jong ki jaitjingbam
Ka World Food India kaba la saindur da ka tnad Food Processing Industries ka long kum ka dak jong ka jingkut jingmut ka India ban kylla sha ka jaka pdeng jong ka jingpynmihjingbam. Kane ka tamasa kaba long shisien shi snem ka long kum ka rynsan ïa baroh kawei ka pyrthei bad ka wanrah lang ïa kito kiba don bynta ha kane ka kam, ka kyntiew ïa ka jingïa treilang, ka jingïasam jingmut, bad ka kyntiew ïa ka India ban pynurlong ïa ka thong ban long ka ri kaba khlain ha ka jingpynmihjingbam.
Kane ka tamasakan long naduh ka 19 – 22 tarik u Nailur 2024 ha Bharat Mandapam, New Delhi. Namar ki jingjop ha ki bynta ba la dep, kane ka tamasa mynta u snem kan long kaba kham heh bad kan ai ki lad ki lynti na ka bynta ki jingpynïasoh bad ki jingïatreilang.
Ka Tnad ka khot sngewbha ïa ki nongbei tyngka, kito kiba trei ha ki kam khaii pateng, ki kompani pynmih jingbam, ki nongshalan tiar, ki nongsaindur thymmai bad ki nongmihkhmat jong ki sorkar na kylleng ka pyrthei ba kin ïa wan ïasnoh kti lang bad kane ka tamasa bad shim ïa ki lad ki lynti kiba bun ha ki kam pynmih jingbam jong ka India.
Ka World Food India 2024 kan pyni ïa ki bynta ba kyrpang ba kynthup, ki jingbam na ka bynta ki jingri,HoReCa (Hotels, Restaurants, bad Catering), bad ki kor bapher bapher. Kine baroh ki pyni ïa ka jingkylla ha ka kam pynmih jingbam bad ka thmu ban khring ïa ki jingbei tyngka bad ki jingsaindur thymmai. Yn don ki bynta bapher bapher ki ban plie lad ïa ka jingïasam jingmut bad ka jingïatreilang hapdeng kito kiba don bynta ha kane ka kam. Ki phang ba kongsan ha kane ki long sustainable packaging technologies; minimizing waste, maximizing value; revolutionizing food and tradeha ryngkat kiwei kiwei. kKine ki bynta kin ai rynsan ïa ki riewshemphang ba kin peit ïa ki jingeh, pyni ïa ki rukom treikam ba biang tam, bad peit ïa ki lad ki lynti na ka bynta ka roi ka par kaba ïaineh.
Ha kajuh ka por, ka Reverse Buyer Seller Meet kanplie lad ïa ki jingïadei hapdeng ki nongthied na kiwei kiwei ki ri bad ki nongdie na India, ka ban kyntiew ïa ki iew bad wanrah ïa ki jingïatreilang ba thymmai.
Ha ryngkat kine baroh, ka Global Food Regulator Summit, ba pynlong da ka Food Safety and Standards Authority of India kan long ha ryngkat ka World Food India. Kane ka summit ka thmu ban pynshlur ïa ka jingïakren bad ka jingïatreilang hapdeng ki bor na kylleng ka pyrthei ba dei peit ïa ki mar bam bad pynbeit ïa ki jingeh ha ka jingshngain ha ka bam, ka jingbha bad ka jingsaindur thymmai.
Ka tnad Food Processing Industries ka ieng skhem ban kyntiew ïa ka kam pynmih jingbam kaba skhem bad kaba khlain kaba ïarap ïa ka jingkiew ka ïoh ka kot jong ka India bad kaba pynthikna ïa ka bha ka miat jong ki briew jong ka ri.