Ka jingïakhun pyrshah ki riewlum jong ka India: Na ka jingshah ïehbeiñ sha ka jingtei ïa ka ri hapoh u Modi

New Delhi 14: Shi phewsnem mynshuwa, ka kyntien riewlum ha India bunsien ka ju mut ka jingduk, ki shnong kiba jngai ki bym don ki skul, ki kmie kiba hap ban ïaid jngai ban wad um, ki samla kiba mih na ki khlaw ban wad ïa ki lad ki lynti. Hynrei hapoh ka jingïalam jong u Myntri Rangbahduh Modi, kane ka la kylla, na ka jingjynjar sha ka jingjop.
Ïa kaba la ju ïohi mynshuwa kum ka “jaka khappud ba la klet” jong ka India mynta ka la kylla long kawei na ki kor ba thymmai tam jong ka roi ka par bad ka jingsarong. Ha ka sien kaba nyngkong, ka jingpynkupbor ïa ki riewlum kam dei tang ka jingpyrta hynrei ka dei ka jingïakhih, kaba don nongrim ha ka hok, ka burom, bad ki lad ki lynti.
Na ki jaka khappud sha ka bynta kaba heh ha ka ri
Ha ka por ba u Myntri Rangbahduh Modi u la shimti ïa ka shuki ha u snem 2014, ka jingkyntiew ïa ki riewlum ha India ka la treikam hapoh ka phang kaba rit, kawei ka tnad treikam kaba don ka mang tyngka kaba rit kaba T 4,498 klur. Ha kine ki shiphew snem ba la leit noh, kane ka jingthmu ka la nang kiew sha ka mishon ha ka ri baroh kawei. Mynta, 42 tylli ki tnad treikam ki noh synniang shitrhem sha ka bha ka miat jong ki riewlum lyngba ka Development Action Plan for Scheduled Tribes (DAPST), kaba pyni ia ka jingkiew kaba san shah ha ka jingpynlut baroh kaba peit bniah ïa ki riewlum, na ka T 24,000 klur ha u snem 2014 sha ka T 1.224 lak ha u snem 2014.
Ka mang tyngka jong ka tnad Tribal Affairs ka la kiew lai shah sha ka T 13,000 klur, kaba pyni ïa ka jingkut jingmut jong ka sorkar na ka bynta ka roi ka par kaba kynthup lang ïa baroh. Ka DAPST mynta ka pynïaid palat 200 tylli ki skhim ha ka pule puthi, ka koit ka khiah, ki lad kamai jakpoh, ka jingkyntiew ïa ki sap, bad ka jingkhuid jingsuba, da kaba pynthikna ba man la ka tnat jong ka sorkar kan noh synniang sha ka jingkiew jong ki riewlum. Na ki 25 lak tylli ki Forest Rights Act title sha ki 1.11 lak tylli ki ïing na ka bynta ki longïing riewlum hapoh ka PMAY 2.0, kine ki shiphew snem hapoh u Myntri Rangbahduh Modi ki la pynkylla ïa ka bha ka miat jong ki riewlum na ka jinglong kaba shah iehbeiñ sha ka bynta ba kongsan jong ka ri.
PM JANMAN bad PM JUGA: Ka jingwanrah ïa ka roi ka par
Ka PM Janjatiya Unnat Gram Abhiyan ka la long ka dak jong ka juk thymmai ha ka roi ka par jong ki riewlum jong ka India. Da ka jingmang tyngka kaba T 79,156 klur bad ka jingïatreilang jong ki 17 tylli ki tnad treikam, kane ka prokram ka peit ïa ki 63,843 tylli ki shnong kiba bun ki riewlum bad 112 tylli ki Aspirational District ha u snem 2029, ban pyndap ïa ki jingduna kiba la slem bha ha ka liang ka ïing ka sem bad ka koit ka khiah, ka pule puthi, bad ka jingpynïasoh.
Ha tang shi snem, ka jingseisoh ka long kaba shai ha ki jaka riewlum:
La pyndep palat 4 lak ki ïing ba bha. Dang shna jan 700 tylli ki hostel. 70 tylli ki mobile medical unit mynta ki poi sha ki jaka ba jynjar ban poi.
Palat 26,500 tylli ki shnong ki ïoh ïa ka um na ki kor, bad palat 8,600 tylli ki longïing ki la ïoh ïa ka bording. Kumba 2,200 tylli ki shnong ki ïoh ïa ka mobile network, bad palat 280 tylli ki Anganwadi centre ki dang kyntiew ïa ka jingsumar bad ka jingïoh ki khynnah khyllung ïa ka bam kaba tei ïa ka met.
Ha kajuh ka por, ka PM JANMAN, kaba peit bniah ïa ka jingkyntiew ïa ki 75 tylli ki Particularly Vulnerable Tribal Groups (PVTG) ha 19 tylli ki jylla bad ki UT, ka dang pynthikna ba wat ki jaitbynriew kiba sah ha ki jaka ba jngai tam ruh kin ym sahdien. Da ka mang tyngka kaba T 24,104 klur, kane ka kam ka dang wanrah ïa ka roi ka par kaba pura ha ki bynta bapher bapher:
La dep shna palat 90,000 tylli ki ïing kiba bha bad la pynpoi bording sha palat 92,000 tylli ki ïing.
La sanction jan 700 tylli ki mobile medical unit ban pynbiang ïa ka jingsumar.
Palat 6,700 tylli ki shnong ki ïoh um kor bad 1,000 tylli ki Anganwadi centre mynta ki treikam.
Kine ki ar tylli ki prokram ba kyrpang ki long kum ka dak jong ka jingkut jingmut ka Sorkar Modi ban pynthikna ba ym don kano kano ka shnong kaba jngai palat bad ym don kano kano ka imlang sahlang kaba rit palat ban don bynta ha ka roi ka par jong ka ri, kaba pynurlong ïa ka jingthrang na ka bynta ka Viksit Bharat ha ki shnong.
Ka SEED Scheme ka pynkylla ïa ki jingim jong ki jaitbynriew DNT
Ban kyntiew ïa ki De-notified, Nomadic bad Semi-Nomadic Tribes, ka sorkar Modi ka la plie paidbah ïa ka SEED Scheme hapoh ka Development and Welfare Board na ka bynta ki DNT ha u snem 2019. Naduh katei ka por, la pyllait pisa palat T 53 klur, kaba ai jingmyntoi ïa palat 53,000 ngut ki briew, kynthup haduh 40,500 ngut lyngba ka jingkyrshan ïa ki lad kamai jakpoh, 551 lyngba ka jingai jinghikai khlem da shim pisa, bad 7,000 ngut kiba ïoh ïa ka life insurance, kaba long ka sienjam kaba heh na ka bynta ka jingpynkupbor ïa ki jaitbynriew kiba la shah iehnoh beiñ bha ha ka ri India.
Ka pule puthi: Ka lad na ka bynta ka lawei kaba kham bha
Ha u snem 2013-14, ki lad ki lynti na ka bynta ki khynnah riewlum ki la duna bha ha kaba tang 119 tylli ki Eklavya Model Residential School ki la shakri haduh 34,000 ngut ki khynnah skul, bad ka jingïarap pisa kaba duna ka la pynlong ïa kiba bun ki jingangnud kim urlong. Hadien shiphew snem, ka jinglong jingman ka la pherbak-la-bak. Ha u snem 2025, ka India ka don 479 tylli ki EMRS kiba ïarap ïa ki 1.38 lak ngut ki khynnah, kiba bun na ki, ki dei kiba leit skul nyngkong na ki longïing jong ki kiba don ha ki jaka ba jngai tam jong ka ri.
Ka sorkar ka la pynbiang ruh palat T 22,000 klur kum ki scholarship ha kine ki 10 snem ba la dep, ban pynthikna ba ym don uwei ruh u samla pule riewlum uba sah klas namar ka jingduna ki lad jingïarap. Mynta, haduh 30 lak ngut ki samla pule riewlum ki ïoh ïa ka jingïarap man la u snem, ka jingkiew kaba phylla na ka 18 lak ha u snem 2013-14, kaba pynkylla ïa ki jingangnud sha ki jingjop bad ïa ka jingpule sha ka jingpynkupbor ba shisha.
Ka koit ka khiah, ka burom bad ka jingkyrmen
Ha u snem 2014, ka jingïoh ki riewlum jong ka ri ïa ka jingsumar ka long kaba duna bad bym ïahap, da ki jaka sumar kiba duna bha, ka jingïarap jong ki riewshemphang kaba duna bha, bad ka jingpeit bniah ïa ki jingpang kaba duna bha. Hapoh u Myntri Rangbahduh Modi, Type equation here. ïa kane la pynkylla lyngba ka jingpynïar ïa ki jingtei bad ki jingthmu. Kham mynshwa, kawei ka Sub Health Centre ka ai jingshakri ïa ki 5 hajar ngut ki briew, kawei ka PHC 30 hajar, bad kawei ka CHC 1.2 lak; mynta, kine ki la kylla sha ka 3,000, 20,000, bad 80,000 ha ki jaka rilum, kaba pynthikna ïa ka jingsumar kaba lah ban ïoh wat ha ki jaka ba jngai.
Mynta 1,498 tylli ki Mobile Medical Unit, kynthup 694 tylli na ka bynta ki PVTG, ki ai jingsumar ha ki shnong.
Hapoh ka National Sickle Cell Anaemia Elimination Mission, la pyndep palat 6.47 klur tylli ki health screening ha ki jaka rilum.
Ka Swasth Nari Sashakt Parivar Abhiyan, ka peit ïa ka koit ka khiah jong ki kynthei ha ki jaka nongkyndong bad rilum, ka wanrah ïa ki riewshemphang sha ki jaka ba jngai bad ka la ïoh ïa ki world record, lyngba ki 3.21 klur tylli ki jingpynrung kyrteng ha ka shi bnai, 9.94 lak tylli ki jingpeit bniah ïa ka jingpang breast cancer ha ka shi taïew, bad 1.25 lak tylli ki jingpeit bniah ba kongsan, kaba long ka jingkylla kaba khraw na ka jingbymshimkhia sha ka koit ka khiah kaba kynthup lang ïabaroh.
Ka jingkyrshan ïa ki lad kamai jakpoh bad ka jingseng kam la jong da ki riewlum
Hapoh u Myntri Rangbahduh Modi, la pynkylla ïa ki lad kamai jakpoh jong ki riewlum sha ka.
La sanction palat 4,550 tylli ki Van Dhan Vikas Kendra (VDVK), kiba ai jingmyntoi ïa 12.8 lak ngut ki riewlum, ha kaba ki jingdie ki la kot sha ka T 129 klur, bad ka jingai jinghikai ïa palat 37,000 ngut ki nongseng kam lajong na kaba 85% ki dei ki longkmie.
Lyngba ka TRIFED bad NSTFDC, ka jingseng kam lajong da ki riewlum ka la kham khlaiñ shuh shuh, ha kaba ka TRIFED ka la pynïaid ïew ïa palat 13,000 tylli ki jait mar jong ki riewlum lyngba ki 117 tylli ki jaka die tiar, bad ka NSTFDC ka la pyllait T 16,650 ha ki jingshim ram hapdeng u 2020-25 ban pynkup bor ïa ki lad kamai jakpoh jong ki riewlum.
Ha ryngkat kine baroh, ka jingbun ki startup jong ki riewlum kiba ïoh jingkyrshan na ka sienjam Dharti Aaba Tribe Preneur, ka dang paw mynta. Ha ka jingdon ka innovation fund kaba T 50 klur bad ka jingïalam lynti na ki IIT bad ki IIM, kine ki startup ki dang pynkylla ïa ka kam kamai jakpoh jong ki riewlum, naduh ka eco-tourism ha Sikkim haduh ki mar organic na ka bynta ka koit ka khiah na Nagaland.