Ka jingïakhih kaba 16 sngi ka MCTODA ka ktah shibun ïa ka jingpynmih dewbilat ha ka jylla

Shillong, Naiwieng 23: Ki nongpynmih dewbilat jong ka Meghalaya ki la ïathuh ïa ka sorkar jylla ba ka jingïakhih kaba 16 sngi jong ka seng Meghalaya Commercial Truck Owners and Drivers Association (MCTODA) hapdeng ka 27 tarik u Risaw bad ha ka 11 tarik jong u bnai Naiwieng ka la ktah bha ïa ka kam pynmih dewbilat bad kumjuh ruh ïa ki clinker na Jaiñtia Hills cluster, bad ka jingdawa jong kiba ñiah trok ban kyntiew ïa ka bai kit kan lah ban ktah ïa ka ïoh ka kot jong ka jylla kum ha kane ka por ba ki karkhana ki mad ïa kane ka jingshah pynthut.
Ha ka dorkhas kaba bniah kaba la aiti sha u Symbud Myntri Rangbah, ka Jaiñtia Hills Cement Manufacturers Association (JHCMA) ka la ong ba kane ka jingïakhih ka la ktah ïa ka kam sam ïa ka dewbilat ha kiba bun ki jaka jong ka jylla, naba ym tang ba ka la ktah ïa ka ïaid ka ïeng jong ki kali kiba dei jong ka seng hynrei ka la ktah ruh ïa ka kam jong kiwei pat ki trai trok kiba dei na Lumshnong-National Highway 6 corridor.
Katkum ka jingong jong ki nongpynmih Dewbilat la ong ba kane ka jingpyrkhing ka long kumba pynhiar ïa ka jingpynmih ïa ka dewbilat bad kaba la ktah ruh ïa ka jingïoh nong bad ka jinghiar jong ka pla pisa, katba kiba donkam ïa ka dewbilat ha kylleng ka jylla kila mad ïa ka jingduna ka jingïoh ka dewbilat.
Ka dorkhas ka ong ruh ba ka jingpynsangeh noh ïa kane ka jingïakhih ha ka 11 tarik mynta u bnai kaba la long lyngba ka jingtuklar jong ka sorkar jylla ha kaba ki seng bad ki nongmihkhmat na ki jaka pynmih dewbilat ki la ïashong ban ïasyllok bad ha kane ka jingïalang na ka liang ki karkhana ki la ong ba kine ki jingïasyllok, na ka liang jong ka seng ki nongñiah trok ki la dawa ban kyntiew ïa ka dor bai kit na ka T.7 shi ton- shi kilometre sha ka T. 9 shi ton-kilometre na ka bynta ka cement bad clinker.
Halor kane na ka liang kiba pymih dewbilat kila mynjur ban siew kumba 35 per cent halor ka dor kaba ïahab ha ka ïew kaba long la jan 80 association-linked truck kiba pynïaid manla ka sngi na Lumshnong. Katkum ka jingong jong ki, ka jingkyntiew kaba long T. 9 per tonne-kilometre kan lah ban ktah naba kan kiew ka dor kaba lah ban poi sha ka 70 per cent kaba kham heh ban ïa kaba ki non-association trucker ki pan na kajuh ka jingjngai, ha kaba kane kan ktah ïa ka jingïakob bad kaba eh bha ïa ki karkhana ban neh.
Ban pynpaw ïa kane ka jingktah jong ka ïoh ka kot, ka dorkhas ka pyni ruh ïa ka nuksa ïa ka lynti ïaid kaba long na Lumshnong-Byrnihat route, ha kaba ki dor ïew ki long palat T. 1,000 per MT katba ki kali ka association ki la dep siew malu mala T. 1,370 per MT. Ha ka dor ba la tyrwa kaba long T. 9 shi ton-kilometre, ka dor ka lah ban kiew sha lyndet kaba long T.1,700 per MT, ka jingkiew ha kaba ki karkhana ki ong ba kam ïahab ne kyrshan bad ka ïew ka hat bad ki jingdawa kiba ym ïahap bad ka ïoh ka kot. Ki nongpynmih dewbilat ki ong ba kane ka jingkiew kam lah satia ban pynïanujor bad ka dor kaba ki nongpyndonkam ïa ka dewbilat ki dawa manla ka sngi.
Kane ka dorkhas kaba ki la aiti la don lang da ki nongpynmih dewbilat kiba palat 100 tylli ki nongpynmih ha kylleng ka Meghalaya, ha kaba bun na ki karkhana ki la pynpaw ïa ka jingsngewkhia halor kane ka jingkiew jong ka dor ha kaba kane kan ktah ïa ka jingkiew ka dor khutia bad kan ktah ïa kiba shna ïing, ki contractor bad ki kam paidbah. Ka JHCMA ka la kdew ba ka MCTODA kaba dei ka trai ki association, bad ba ka jingkiew ka dor kan long na ka bynta ki small group of truck owner, katba ki paidbah ba bun ki hap ban mad ïa ka jingkiew ka dor kaba heh lyngba ki jingtrei kiba heh.
Halor ka regulatory front, ki nongpynmih ïa ka dewbilat ki la pynpaw ïa ki kyndon jong ka Motor Vehicles Act bad ki jingpynbna ba la pynmih dangshen, da kaba ong ba ki bor jong ka sorkar ba kin buh ïa ka dor ne ban kyntiew ïa ki dor ha kaba ïadei bad ka kit ka bah. Ki la ai jingmut ba kano kano ka jingpynbna ba ka T. 9 shi ton-kilometre rate kan donkam ïa ka jingkhmih kaba bniah halor ka kam aiñ bad naba kane kan ktah halor ki kam aiñ bad ki aiñ jong ka ïew ka hat.
Ha ka dorkhas la kyntu ïa ka sorkar jylla ban pynthikna ba ka jingkiew jong ka dor kan dei ban ïaid lang bad ka dor ha ka ïew ka hat naba lada ka don ka jingkiew kaba palat liam kan ktah ruh ïa ka jingsam ïa ka dewbilat kaba lah ruh ban ktah ïa ka jylla Meghalaya. Ki nongpynmih dewbilat ki la kyrpad ïa ka sorkar ban shim ïa ki sienjam ban ïada ïa kane ka jingïakhih kaba neh bad ba kan ym ktah ruh ïa ka kit ka bah, da kaba shah ruh ïa baroh ki nongshong shnong ba kin pynpaw ïa ki jingeh jong ki lynba ki lad jingïakren ban ïa kaba shu pynsangeh.