Shillong, Nohprah 20 : Ka Forever Young kan pynlong biang ïa ka jingïa jngi shiteng synñia kaba 25 snem ha ka pung jngi Crinoline Swimming Pool ha ka 31 tarik Nohprah 2022 kum shi bynta ban pdiang sngewbha ïa u snem thymmai 2023.
Ka kyrwoh na ki bor pynïaid ka pyntip ruh ba mynta u snem kin buh haduh 6 ton u thah ha katei ka pung jngi. Na ka liang ki bor pynïaid ki la kyntu ruh ïa kito kiba kwah ban wan shim bynta ba kim bit satia ban dih kino kino ki jingdih pynbuaid. La pyntip shuh shuh ruh ba katei ka jingïajngi shiteng synñia kan long ruh ka jingrakhe ïa ka Jubili Rupa.
