Shillong, Nailar, 12: Ryngkat ka jingrakhe ïa ka sngi jinglaitluid ka ri India, ka KJCLF kan pynlong ïa ka jingïaseng duwai kaba kyrpang ha ka 15-tarik mynta u bnai ha ka por 11:00 baje mynstep ha Iingmane English Service kaba don ha Police Bazar, Shillong.
Kane ka long ba ka KJCLF ka don ka jingsngewkhia na ka bynta ka ri bad ki nongshong shnong baroh. Ka Forum bad ka khot ïa ki nongïalam Balang bapher ban ïatreilang na ka bynta ban wanrah ïa ka synshar khadar kaba bha, ka saiñ hima kaba khuid bad ban ïoh ïa ki nongïalam ka ri kiba lait na ka jingbamsap.
Ka KJCLF ka wer bad khot sngewbha ïa ki paidriewngeit bad ki nongïalam Khristan sha kane ka jingïaseng duwai. U nongkren ha kane ka jingïaseng un long u Secretary jong ka Bible Society of India, Shillong Auxiliar u Rev. P. Dkhar, ong u kyrwoh ba la phah da u Secretary u Rev. E.H Kharkongor.
