Ka jingjur bad duna ka cholesterol ka dei kaba lah ban ktah bad buh jingma halor ka koit ka khiah u klongsnam. Ka jingjur ban don ka cholesterol kaba sniew ka wallam ka jinglum thup ha ki thiedsnam bad ha kaba kut ka wallam ka jinglong lang tylli. Ka jinglang tylli kine ki thiedsnam ka dei kaba ktah halor ka jinglah ban tuid bha ka snam bad pynlong ïa u klongsnam ban trei borbah na ka bynta ban kynshait ka snam. Kane ka pynjur ka jingma halor ka jingpang klongsnam bad kumjuh ruh halor ka jingtuid jong ka snam sha kiwei pat ki bynta jong ka met.
Ki jingbam ba tei bad ka rukom im kaba tei ha ka liang ka koit ka khiah ki dei kiba lah ban ïarap halor ka jingpynbiang ban don ka cholesterol. Ka jingkilan met manla ka por ka dei kaba lah ban pynbiang ka jingdon ka cholesterol. Ki jingbam ruh ki don ka bynta kaba kongsan.
Kine harum ki long napdeng ki jingbam kiba lah ban ai jingmyntoi ia ka koit ka khiah u klongsnam:
Ka jingkynthup bun ka fibre ha ki jingbam ba phi bam : Ka Fibre ka dei kaba lah ban ai jingmyntoi ha ka liang ka koit ka khiah ha kiba bun ki liang. Ka dei kaba lah ban ai jingmyntoi na ka bynta u klongsnam ka jingpynbiang ban don ka cholesterol. Ka Fibre ka dei kaba lah ruh ban pynneh slem ka jinglong kdang bad pynlong ïaphi halor ka jinglah ban pynbiang ka jingkhia. Phi lah ban kynthup ki jingbam ba riewspah ban don ka fibre ne ki jhur khnang ba ki lah ban ai jingmyntoi na ka bynta ka koit ka khiah u klongsnam.
Kiar na ki jingbam ba ju ki jingshoh musli musla: Ki don bynta ki kynbat bad ki kynja jingshoh kiba dap da ka jingdon ki kynja dawai bal ah ban ai jingmyntoi ha ka liang ka koit ka khiah. Ki kynja jingshoh kum u shynrai ki dei kiba lah ban tehlakam halor ka jingdon ka cholesterol. U Rynsun, u laung, ki pudina ki long napdeng ki kynbat kiba lah ban tehlakam halor ka jingdon ka cholesterol.
Ka omega-3 fatty acid : Ka Omega-3 fatty acid ka dei kaba lah ban ai jingmyntoi shibun ha ka liang ka koit ka khiah bad ka jingmyntoi ruh na ka bynta u klongsnam. Ka Omega-3 kam shym ktah satia halor ka jingdon ka cholesterol hynrei ka kyntiew ka koit ka khiah u klongsnam ha kiba bun kiwei pat ki liang. Phi lah ban kynthup ki jingbam ba riewspah ban don ka omega-3 ba kynthup naduh ki dohkha, ki symbai diengtluh bad walnut.
Ka jingkhmih halor ka jingdon ka shini : Lehse phim lah ban tip hynrei ki don bun ki jingbam bad ki jingdih kiba dap da ka jingdon ka shini. Ka jingkhleh shini ym tang ba ka ktah halor ka jingpaw ban don ka cholesterol hynrei ki long ruh ka daw halor ka jingkiew ka jingkhia, ka jingpaw ban don ka shini napdeng kiwei de. Ka long kaba donkam ban khmih ki bynta ba don ha ki jingbam ba phi bam hahuwa ba phin bam ïa ki.
