Mairang, Ïaïong 25: Ka ophis u Deputy Commissioner, Eastern West Khasi Hills District, kan pynlong ka jingrakhe ïa ka jingdap sanphew snem ka jylla ha ka 27 tarik mynta u bnai ha Madan Mot Tirot Mairang.
Ha kane ka jingrakhe yn pynkup burom ruh ïa ki nongïaleh hill state kiba dei na ki shnong bapher bapher ha Eastern West Khasi Hills District. U Bah Metbah Lyngdoh, Speaker ka Meghalaya Legislative Assembly un long u Kongsan ha kane ka jingrakhe bad u Bah HB Nongsiej, un long u Kongsan Symbud. Kan don ruh ka jingbatai halor ka jingïaleh ka jylla ban pynïar ïa ka jingrep sying ne ka Ginger Mission. Nalor kane kin ruh ki Cultural Programme kiba kynthup ïa ki jingrwai bad ki jingshad tynrai.
Ha kane ka jingrakhe yn ïadonlang ruh u Syiem ka Hima Nongkhlaw, u Pa’iem Phrestar Manik Syiemlieh., ki Sordar, ki Secretary Shnong bad kibahaïing hadem jong ki nongïaleh Hill State ban shah pynkup burom.
