Da Omarga Laloo Mynthong, Jowai
Ka long kaei kaei ba sngewtynnad bad sngew chongchit mynsiem ba ka tympang club ka la dap 125 snem. Ka rhem ka mynsiem khamtam eh ki member jong ka club ki syaid ka mynsiem. Nga ngeit kin sa leh ïa ka rukom jingleh kmen ba kham pher. Nga dang shu ïohi ïa ka jingleh pyndon burom ïa ka jingdap 100 snem ka Chutwakhu dorbar Shnong Jowai.
Ka Tympang club ka dei ka club ba la rim bha. Ngin sa tip ha kata ka sngi ba kumno ki longshwa man shwa ki seng ïa kane ka Tympang club. Nga ngeit ba bun bha ki riewkhraw pyrkhat kiba la buh record bha haduh ba ka la dap pura long 125 snem. To keiñ ngin ïa ap bad peit ïa ka jingleh burom ka Tympang Club.
Hynrei kaba duna ka long haba ngi ïaid pat na ka lynti kaba ngi hap ïaid shaduh ïaw shyiap kaba khim bad ba dap da ka jingjakhlia ym lah shuh ban batai. Ha Jowai town dei ini I lynti ba jakhlia tam. Ha kawei ka sngi ban nga kyrkieh nga kum ïaid na kane ka lynti khim, ki don ki nongtrei kiba ñiad rong ïa ki sainar bad ïa ki jingker. Ngam lah shuh ban set ïa u thylliej bad ong “Mano ba phah ñiad ïa phi. Ki ïathuh ba utei u Ma bad da kaba sngew kumno re nga pyrkhat ba balei ki ñiad tang ïa kaba shapoh bad ïa kane ka lynti rit ba la ker da kane ka jingker ym shym la pynkhuid. Ym tip shuh kadei jongno kane ka bynta ban pynkhuid ka dei ka municipal ne mano? Ka mynthong area ka don hapoh ka municipal Board, balei kane ka lynti ka shu ïaid sah kumto khlem da don ba ker.
Kam wa man u ong o ba ki bor ba halor kin sngewbha ban leh ïa kaba donburom. Pynkhuid sngewbha ki bor ba halor ki sngewbha ban leh eiei. Shisien nga la dep thoh sha u Secy ka Tympang Club bad ym shym la jubab. Bad ha kawei pat ka sein nga ïa kynduh ïa u Secy haba nga kylli ïa kato ka jingker u jubab ba yn sa pynpra ïa ka, Municipal ne dei mano? Wish the tympang club a happy 125 years.