Ka jingai snam ei ka dei kaba kongsan bha ha ka jingim jong ki briew, ong ki heh ka MLCU

Shillong, Rymphang 28: Ka Martin Luther Christian University (MLCU) ka la ïoh ban pynlong ïa ka prokram ai snam ei hapoh ka jaka jong ka kaba don ha Umsawli.
Ïa kane ka programme la pynlong lang da ka Student Office of Wellbeing, NSS Unit, bad ka School of Allied Health Sciences, ha ka jingïatreilang bad ka North Eastern Indira Gandhi Regional Institute of Health and Medical Sciences (NEIGRIHMS), Shillong.
Ïa kane ka prokram la pynlong da ka jingplie paidbah ha kaba Dr. Colleen Pariat, Dean of the School of Allied Health Sciences, la ai ïa ka kyntien pdiang sngewbha bad ban jur halor ka jingdonkam jong ka jingai snam ei.
Katba na ka liang Dr. Lutika Nepram, Incharge ka Blood Centre ha NEIGRIHMS, la ïathuh halor ka jingdonkam jong ka jingai snam ei bad kaba ïarap ruh ban pynim ïa ka jingim jong ki briew bad la pynshlur ruh ïa ki samla pule ban long kiba kloi ban ai snam ei manla ka por.
Na ka liang Dr. Ashio A. Mao, Vice Chancellor of MLCU, la ai ka jingïaroh halor kane ka jingpynlong ïa kane ka prokram.
ïa kane ka prokram la pynkut da ka jingai khublei ba la aid a Rollingstone Kharkongor, NSS Programme Coordinator, MLCU.