Nongpoh, Iaiong 29: Kum shi bynta ban kyntiew ia ka kam ialeh kai sport ha Ri Bhoi bad ban ailad ruh ia ki khynnah skul ka Ri Bhoi ban sei madan ia ki sap ki phong ha ki kam ialehkai nalor ka pule puthi, ka Ri Bhoi Students Union, Sengkmie ka la rai ban pynlong da ka Inter School Sports Meet ha Madan Kurka lang.
Kumba la pyntip da u Working President ka RBSU, u Samla Amberlight Masharing, u la iathuh ba ka sneg ka la shim ia kane ka rai ban pynlong kane ka lympung ialehkai sport, ka dei ka jingangnud ka seng ban kyntiew ia ki khynnah kiba don sap ha ki kam ialehkai sport bapher bapher bad na ka liang ka seng ka la rai ban pynlong ia kane ka lympung ialehkai sport ki khynnah skul kata haduh 3 sngi ka ban sdang naduh ka 4 tarik u Jymmang haduh ka 6 tarik u Jymmang, 2022 ha Madan Kurkalang, Bhoirymbong.
Shuh shuh, u la pyntip ruh ba kane ka lympung ialehkai sport ha kane ka kynti kan long shuwa tang na ka bynta ki skul ba hap ha ka thain Ri Bhoi Mihngi (Eastern Ri Bhoi) haba khmih lynti ruh ba ka jingwan shim bynta ki skul bapher bapher na ka thaiñ kan pynlong ia kane ka lympung kaba jop.
