Ka tnat Water Resources, River Development & Ganga Rejuvenation, Ministry of Jal Shakti, jong ka Sorkar India ka dang pynlong ïa ka India Water Week-2022 (IWW-2022) kaba hynniew naduh 1-5 Naiwieng 2022 ha India Expo Center, Greater Noida, kaba hajan ka nongbah jong ka ri, ka Delhi. Kane ka tamasa ka dei kaba hynniew naduh ba la sdang ban pynlong ïa kane ka kam ha u snem 2012.
Namar ka jinglong kyrpang ka um ha ki bynta bapher bapher jong ka jingim bad ruh ha ka jingpynthikna ka roi ka par jong ka ïoh ka kot, ka tnat Water Resources ka la rai ha u 2011 ban sdang ïa ka India Water Week (IWW), ka rynsan kaba bun bynta kum ka prokram kaba kyrpang jong ka tnat, ka ban long ka rynsan na ka bynta ki ri bapher bapher ban don ki jingïamir jingmut bad ban ïoh ïa ki jingai jingmut bad ki mat treikam.
La saindur ïa ka India Water Week kum ka tyllong jong ka jingtip ban ïoh ïa ki jingsaindur thymmai bad ki jingpynbeit. Ka thong jong ka, ka dei ban pynkhlain ïa ki jingïamir jingmut bad ban ïasam ïa ki jingmut hapdeng kito kiba ïashim bynta khnang ban don ka jingpyndonkam ïa ka um kaba biang tam.
Ka India Water Week ka ai ka rynsan ïa kito kiba don bynta ha kane ka kam, ki nongthaw polisi, ki nongpynïaid ïa ka um, ki riewpyrkhat bad ki nongpyndonkam um na ki bynta bapher bapher jong ka imlang sahlang, ha kaba ka don ka jingïakren shaphang ki kam kiba ïadei bad ka um bad la ïoh ïa ki lad ban pynbeit ïa ki jingeh ha kaba ïadei bad ka jingduna um.
La pynlong nyngkong ïa kane ka porkram ha New Delhi ha u 2012 hapoh ka phang “Water, Energy and Food Security: Call for solutions”. Hadien kane, la pynlong sa san sien ha u snem 2012, 2013, 2015, 2016, 2017 bad 2019, kiba peit ïa ki kam kiba ïadei bad ka um kum ka rukom pyndonkam, ka jingpyndonkam na ka bynta ka roi ka par kaba ïaineh, ka jingïatreilang na ka bynta ka um, ka um bad ka bording. Kine ki jingïalang ki peit ïa ki kam ba kongsan kiba ïadei bad ka jingkyntiew ïa ki jingdon jingem kiba ïadei bad ka um bad ka jingpyndonkam ïa ka bad kumta ki la ai ka lad ïa ki bor ba dei peit ïa ki kam um ba kin thaw ïa ki rukom treikam ban pynbeit ïa kine. Kine ki jingïalang ki la ïoh jingïaroh na kito ki bor kiba dei peit ïa ki kam um na kylleng ka pyrthei.
Ka kaiphod United Nations World Water Development Report 2021 ka ong ba ka jingduna ka um ha ka pyrthei ka la kiew shibun shah na ka 500 BCM ha u 1900 sha palat 4,000 BCM mynta. Ka kaiphod ka kdew ïa ka jingwad bniah kaba ong ba ki briew ka pyrthei kiba mad ïa ka jingduna um, kiba long 32 million ha u 1900, kin kiew sha 3.1 billion shuwa u 2050. Namar kane, ka long kaba donkam bha ba kan don ka jingpyndonkam um kaba don jingbahkhlieh bad ka jingpynthikna ba baroh ki ïoh lad ban pyndonkam um.
Ka India Water Week kaba 7 ka dei kaba pynlong hapoh ka phang “Water Security for Sustainable Development with Equity” kaba peit bniah ïa ka jingshngain ha ka jingïoh um bad ki jingeh kiba ïadei bad ka jingkyntiew kaba ryntih ha kaba ki don ruh kine ki sub-scheme harum:
i) “aspects of water security and their impact”;
ii) “addressing challenges of growing water demand through water cooperation”;
iii) “water governance – policies, action plan and institutions”.
Ka India Water Week – 2022 kan don ki prokram bapher bapher kum ki seminar, ki panel discussion bad ki session ba kyrpang ba pynlong ha ka jingïatreilang bad kito kiba don bynta ha kane ka kam, khamtam ki Sorkar Jylla, ki tnat jong ka Sorkar Pdeng, ki kynhun na kiwei kiwei ki ri, ki ri ba ïatrei lang bad ki kynhun bapher bapher ba kynthup ruh ïa ki NGO jong ka ri. Ka exhibition kaba kyrshan ïa ka phang bad kaba pyni ïa ki technology, ki jingïaid shaphrang bad ki lad pynbeit kiba don ha ki kam kiba ïadei bad ka um kan long shi bynta jong ka IWW. Ka exhibition kan long ha ka jaka kaba kumba 3,500 square metre ka ba don ha ka IWW-2022 ha India Expo Center, Greater Noida. La antad kumba 2,000 ngut ki briew kiba la pyntbit ha la ki kam kin wan ïashim bynta na India bad nabar ri.
Yn plie pyrda da ka President jong ka India bad ka jingïadon lang jong ka kan ai mynsiem bad jingpynshlur ban wanrah ïa ki sienjam ban pynbeit ïa ki jingeh ha ki kam kiba ïadei bad ka um.
Ngi dei ban ïatrei lang baroh na ka bynta ka lawei kaba shngain ha ki kam um. Ki jingïamir jingmut ha ki bynta jong kane ka jingïalang bad ka jingai jingtip ha kane ka prokram kaba heh bha kan ïalam lynti ïa ngi sha ka jingkyntiew ïa ki jingdon jingem kiba ïadei bad ka um ha ka rukom kaba ïaineh.
